Lucas 12:7 - Dios Rimashca Shimicunami

⁷ Cancunapaj uma ajchapish tucui yupashcami canguichij. Chaimanta amataj manchaichijchu. Cancunacarin achca pajarocunatapish yalli valijmi canguichij.

Mushuj Testamento Diospaj Shimi

⁷ Cancunacarin uma ajchacama, tucuita yupashcatamari charin. Chaimanta, ama manchaichijchu, cancunaca achca pajarocunatapish yallimari valinguichij.

Lucas 12:7 Iomraidhean Croise

2 SAMUEL 14:11

Shina nijpipish chai huarmica: –Huañuchishcamanta huañuchishpa ama ashtahuan millaita rurashpa, ñuca churita ama chingachichun cambaj Mandaj Diosta mañachunmi rogani– nijpimi jatun mandajca: –Mandaj Diosca causajmi, cambaj churipaj uma ajchaca shujllapish pambamanca mana urmangachu– nirca.

JOB 35:11

Paica ñucanchijtaca cai pachapi tiyaj animalcunamantapish yalli yachajtamari rurarca. Pajarocunatapish yalli yachajcunatamari rurarca mana nincunachu.

SALMOS 8:6

Cambaj maquihuan rurashcacunata mandachunmari churarcangui, tucuitamari paipaj chaqui ucupi churarcangui.

Mateo 12:12

Runacarin ovejata maihuan yallimari. Chashna cashcamantami, samana punlla cajpipish allita ruranataca mandashcaca mana jarcan– nircami.

Mateo 6:26

Jahuata purij pajarocunata ricuichigari. Paicunaca mana tarpunchu, mana tandanchu, huaquichinacunapipish mana huaquichinchu. Shina cajpipish jahua pachapi caj cancunapaj Yayaca paicunamanca caranllami. ¿Manachu cancunaca paicunatapish yalli canguichij?

Lucas 21:18

Ashtahuanpish cancunapaj umamanta shuj ajchallapish mana chingaringachu.

Hechos 27:34

Chaimanta cancunaca cancunapaj cuerpopaj allipaj imallatapish micuichij. Cancunapaj umamanta shuj ajchallapish mana chingaringachu– nircami.

1 SAMUEL 14:45

Shina nijpipish israelcunaca Saultaca: –Cai jatun macanacuipi israelcunata quishpichij Jonatanchu ¿huañunga? ¡Maitataj chashnaca cangari! Mandaj Diosca causajmi. Taita Dios paihuan cajpimi chashnaca rurarca. Jonatanpaj umamantaca shuj ajchallapish mana pambaman urmangachu– nircacuna. Chashnami israelcunaca Jonatantaca huañunamanta quishpichirca.