Lucas 12:48 - Dios Rimashca Shimicunami

⁴⁸ Maijan mana yachashcamanta ima mana allita rurashca cajpica, mana yalli llaquichishcachu canga. Piman achcata cushpaca, achcallatatajmi mañanga. Maijanman achcata mingashca cashpaca, achcallatatajmi tapunga.

Mushuj Testamento Diospaj Shimi

⁴⁸ Mana yachajtaca, pai mana yachashcamanta ima mana allita rurajpipish, mana yalli macashcachu canga. Maijanman yallillata cushca cashpaca, yallillatami mañanga. Maijanman achcata mingashca cashpaca, ashtahuanmi cuchun ninga.

Lucas 12:48 Iomraidhean Croise

LEVÍTICO 5:17

Mandaj Dios mandashpa caitaca mana ruranachu nishca mandashcacunamanta maijan mandashcata mana yachashcamanta rurashpapish juchayujmi tucunga. Yachashca jahua juchallishca shinallataj juchayujmi tucunga.

NÚMEROS 15:27

Mana alli yuyarishcamanta maijan cashpapish shujlla mana tucuita pajtachishpa juchallijca, paipaj juchamantaca shuj huatayuj chivota Diosman cuchun.

Mateo 13:12

Pacalla cajta maijanpish yachajmanca ashtahuan cujpi ashtahuanmi yachanga. Ashtahuanpish mana yachajtaca, pai ashalla yachashcatapish quichungami.

Mateo 23:14

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Viudacunapaj huasicunata quichushpa millpujcunami canguichij. Chashna rurashcamanta alli ricuringa raicullami Diostaca unita mañaj tucunguichij. Chashna rurashcamantaca jatunta llaquichishcami canguichij.

Lucas 12:41

Chaimi Pedroca: –Mandaj Jesús ¿chai yuyachij parlotaca ñucanchijllamanchu, mana cashpaca tucuicunamanchu yuyachishpa parlangui?– nijpi,

Lucas 12:49

Cai pachapica ninata japichingapajmi shamurcani. ¡Ñucaca, ña japichishca rupacuj cachunmi munani!

Lucas 16:2

Chaimi chai amoca mayordomota cayashpaca: “Cantaca imatatajshi ruracun nijtami uyani. Canman mingashcata ima shinalla apacushcata ñucaman ricuchi. Canca ña mana ashtahuan mayordomo cai tucunguichu” nirca.

Juan 15:22

Ñuca mana shamushca cajpi, paicuna juchayuj cashcata ñuca mana huillashca cajpica, juchayuj cashcataca mana yachanmanchu carca. Cunan paicunaca ñucanchijca mana juchayuj canchijchu mana ni tucuncunachu.

Hechos 17:30

Ñaupa causajcunaca Taita Diosta mana rijsishcamanta paicunapaj munaita rurashpa causajpipish Taita Diosca paicunataca mana llaquichircachu. Cunanca tucuicunallataj maipi causajcuna cashpapish juchayuj cashcamanta llaquirishpa paiman cutirichunmi mandan.

DEUTERONOMIO 25:2

Chai mana allita rurajtaca azotina cajpica, juezmi paipaj ñaupajpi chai runataca pambapi sirichishpa azotichinga. Chai runa ima shina millaita rurashca shinallatajmi mashnata azotina cashca shinallatataj azotichinga.

1 Timoteo 1:11

Sumaj Dios alli huillaita huillachun ñucaman mingashca alli huillaimi chaitaca yachachin.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

1 Timoteo 6:20

Timoteo, canman imallata mingashcataca alli cuidangui. Yachaj canapaj allimi nishca, yanga ima mapa parlocunataca ama uyangui.

Tito 1:3

Chai cusha nishcataca pai rurasha nishca punllapimi, ñucanchijta Quishpichij Diosca ñucaman mingashpa huillachirca.

Santiago 3:1

Ñuca huauquicunalla, imalla rurashcataca shujtajcunata yalli ashtahuan Dios ricuchina cashcata yachashcamanta, cancunapuramantaca ama achcacuna yachachijcuna tucuichijchu.