Lucas 12:4 - Dios Rimashca Shimicunami

⁴ Ñucahuan apanacujcuna cancunamanca caitami huillani: Cuerpota huañuchijcunataca, ama manchaichijchu. Huañuchishca q'uipaca, imata mana ashtahuan rurai tucungacunachu.

Mushuj Testamento Diospaj Shimi

⁴ Ñucahuan apanacujcuna cajpimi, cancunamanca caita huillani. Cuerpota huañuchijcunataca, ama manchaichijchu. Huañuchishca qʼuipaca, imata mana rurai tucuncunachu.

Lucas 12:4 Iomraidhean Croise

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

CANTARES 5:16

Jerusalenpi causaj solteracunalla, ñuca c'uyashca, ñucahuan alli apanacuj runaca mishqui shimimari, paica munananqui runamari.

ISAÍAS 41:8

“Israelcunalla cancunaca ñucapajta rurajcunamari canguichij. Jacob cantaca ñucahuan alli apanacuj Abrahampaj huahua huahuapuramantamari agllarcani.

JEREMÍAS 1:17

Quiquinca alli chumbillirishpa shayarishpa, paicunataca ñuca imallata rimachun nishca shina rimanguilla. Paicunapaj ñaupajpi shayarinataca ama manchanguichu. Ñataj paicuna manchachichun, paicunapaj ñaupajpi quiquinllata saquiman.

JEREMÍAS 1:8

Canca ama pita manchaichu, ñucami canhuan casha. Ñucami cantaca imamantapish quishpichisha” nircami Mandaj Diosca.

JEREMÍAS 41:18

Babilonia llajtata jatun mandajca, Ahicampaj churi Gedaliastami Judá llajtata mandachun churashpa saquishca carca. Netaniaspaj churi Ismael, paita huañuchishcamanta caldeocunata manchashpami, Egiptoman rinata yuyarircacuna.

EZEQUIEL 2:6

Huañujlla aichayuj runalla, canca paicunataca ama manchangui, paicuna rimajpipish ama mancharingui. Zarza casha yuracuna chaupipi cashpapish, casha chaupipi cashpapish, escorpioncunapaj chaupipi causashpapish ama manchanguichu. Paicuna rimajpipish, paicunata ricushpapish ama mancharingui. Paicunaca mana cazujcunami.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Juan 15:13

Maijanpish paihuan alli apanacujcunamanta huañujca yallitaj c'uyajmi. Chashna c'uyajca pi mana tiyanchu.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

Hechos 4:13

Pedropish, Juanpish mana manchashpa rimajta uyashpami mandajcunaca: –¿Ima shinataj mana jatun yachanaman rishca yanga runacunaca chashna rimanchu imamí?– nishpami achcata mancharircacuna. Chashna nicushpapish paicunataca, Jesushuan purijcuna cashcatami yuyarircacuna.

Filipenses 1:28

Jarcajcuna manchachichunca, ama saquinguichijchu. Chashna rurashpaca, paicuna chingarinaman ricushcata, cancunaca quishpichishca cashcatami ricuchicunguichij. Chaica Diosmantami shamun.

Santiago 2:23

Chaita pajtachishcatami Quillcachishcapica: “Abrahamca Diostami crirca. Chaimi cashcata rurajta shina chasquirca, Diospaj amigo nishcapishmi tucurca” nicunmi.

1 Pedro 3:14

Ashtahuanpish cashcata rurashcamanta llaquichijpi, llaquita apashpaca cushichishcami canguichij. Chaimanta paicuna manchachisha nijpica, ama mancharichijchu, ama manchaichijchu.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!