Lucas 12:37 - Dios Rimashca Shimicunami

³⁷ Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga.

Mushuj Testamento Diospaj Shimi

³⁷ Chashna chaparacujta amo japijpica, chai runaca cushicungami. Chai amoca, pai quiquin sumajta allichishpa tiyachishpami caranga, chashnatajmi canga.

Lucas 12:37 Iomraidhean Croise

ISAÍAS 62:5

C'arita manaraj rijsij huarmihuan shuj moso cazarashpa cushicuj shinami cambaj huahuacunapish canpi cushicungacuna. Ima shinami cusaca paipaj huarmipi cushicun chai shinallatajmi cambaj Taita Diospish canhuan cushicunga.

JEREMÍAS 32:41

Ñucaca paicunapaj allita rurashpami cushicusha. Cai llajtapica tarpuj shinami churasha. Cutinca mana shitangapaj ñuca tucui shunguhuan, tucui almahuanmi caipi charisha” ninmi.

SOFONÍAS 3:17

Mandaj Diosca cancunapaj chaupipimari, paica tucuita rurai tucuj cashcamantaca cancunataca quishpichingami. Cancunamantaca Mandaj Diosca cushicungamari. Paica c'uyashcamantaca upallangamari. Cancunamantaca cushicushpami paica cantanga.

Mateo 24:42

Cancunata Mandaj ima hora shamunata mana yachashcamanta, chaparacuichij.

Lucas 12:36

Bodamanta amo tigramushpa cayanca, pascangapaj chaparacuj servij shina caichij.

Lucas 12:43

Paipaj amo shamushpa chashna ruracujta japishpaca, chai servijtaca cushichishpa,

Lucas 17:8

Ashtahuanpish: “Churanata utca cambiarishpa micunata yanushpa ñuca imalla micuna cashcata ñucamanraj carai. Chai q'uipa canca micungui, ubyanguillami” ninguichijmi.

Lucas 21:36

Punllanta Taita Diosta mañashpa yuyaipi caichij. Chaimi chai llaquicuna shamujpica quishpiri tucunguichij. Runa Aichayuj shamujpipish paipaj ñaupajpi shayari tucunguichij” nircami.

Lucas 22:27

¿Maijanshi jatun canga? ¿Micuj tiyarijchu, mana cashpaca micunata carajchu jatun canga, imashi? Micuj tiyarijmari yalli jatunca. Ashtahuanpish ñucaca cancunaman caraj shinallami cani.

Juan 12:26

Pipish ñucapajta ruraj casha nishpaca ñucata catichun. Ñuca maipimi cani, ñucapajta rurajpish chaipimi canga. Ñucapajta rurajcunataca, ñuca Yayami alli ninga– nircami.

1 Corintios 2:9

Shina cajpipish cashnami quillcashca tiyacun: “Ñahui mana ricushcata, rinrin mana uyashcata, pi mana shungupi yuyashcatapishmi, Diosca, paita c'uyajcunapajca allichishca” ninmi.

Filipenses 1:21

Chaimanta ñucapaj causaica Cristomi. Huañunapish tucuita mishanami.

Filipenses 1:23

Chai ishquindij yuyaicunami ñucataca llapiracun. Shina cajpipish, Cristohuan cangapaj huañushpa rinami ñucapajca yallitaj alli.

2 Pedro 1:11

Chashna cajpimi, cancunataca pi mana jarcaipaj cajpi, ñucanchijta Quishpichij Jesucristo huiñaita mandacunmanca yaicuchingalla.

2 Pedro 3:14

Chaimanta c'uyashcacuna, chashna canata shuyacushpaca, ima mapa illaj, pi mana juchachipaj, alli sumajta causacujta Dios japichun tucui imatapish allita rurana yuyailla ruraichij.

Apocalipsis 14:13

Chai q'uipaca, cielomanta cashna nishcatami uyarcani: “Mandaj Jesuspi shujlla cashpa huañushcacunaca, cunanmantapacha cushijllacunami. Diospaj Espiritupish cashnami nin: Ari, paicuna imallata llaquita apashpa ruracushcamantaca samaringacunami. Paicunapaj rurashcacunaca paicunahuanmi ringa ninmi nishcacunata quillcai” nircami.

Apocalipsis 16:15

“Riquichij, ñucaca cancuna mana yuyashcapimi shuhua shina shamusha. Maijanpish paipaj churanata cuidarashpa ñuca shamunata chaparacujca cushijllami canga. Churanata churashca, mana lluchulla cashcamanta paipajca mana pingaichu canga”.

Apocalipsis 3:21

Llaquicunata mishajtaca ñuca jatun tiyarinapimi, ñucahuan tiyachisha. Ñucapish mishashcamantami, ñuca Yayahuan paipaj jatun tiyarinapi tiyarircani.

Apocalipsis 7:17

Jatun tiyarina chaupipi caj, Ovejami paicunataca michinga. Causaita cuj yacu llujshicunmanmi pushanga. Diosmi paicunapaj ñahuicunamantaca, tucui huiquita p'ichanga” nircami.