Lucas 12:31 - Dios Rimashca Shimicunami

³¹ Cancunaca Taita Dios mandashcaraj tucuichij. Chaipica Taita Diosca ima charina cashcataca cancunaman cungallami.

Mushuj Testamento Diospaj Shimi

³¹ Ashtahuantajca, Taita Dios mandashca shina causanata mashcaichij. Chashna chai yuyailla cajpica, ima illashcatapish Diosllataj cungallami.

Lucas 12:31 Iomraidhean Croise

SALMOS 34:9

Cancunaca Mandaj Diospajllami canguichij. Paita manchaichij. Paita manchajcunapajca ima mana illanchu.

SALMOS 37:19

Llaqui punllacunapipish, pingai tucuchun mana saquingachu. Yaricai punllacunapipish huijsa pajtatami caranga.

SALMOS 37:25

Ñucaca ñami yuyaj cani. Cashcata rurajta Dios shitashcataca, huambramantapacha cunancama manataj ricushcanichu. Cashcata rurajpajca paipaj huahua huahuapish micunata mañashpa purijtaca manataj ricushcanichu.

SALMOS 37:3

Mandaj Diospi shunguta churai, imatapish allita rurai. Quiquin llajtapimi causangui. Cashcata ruraj canahuan junda cai.

SALMOS 84:11

Mandaj Taita Diosca ñucanchijta achijyachij intimari. Ñucanchijta huaquichij escudomari. Mandaj Diosca alli nishca canata, sumaj canatamari cunga. Tucuipi mana juchachipaj cajcunamanca paicunapaj cuna cashataca mana anchuchingachu.

ISAÍAS 33:16

jahua pachapica causanga. Paicuna miticunaca muyundijta yacu rumihuan pircashcami. Paicunapajca chaipica micunapish, yacupish mana illangachu.

Mateo 6:33

Chaimanta cancunaca Taita Dios mandashcaraj tucuichij. Pai munashca shina causajcunaraj tucuichij. Chashna cajpica, Taita Diosca imalla illashcacunataca cancunamanca ashtahuan mirachingallami.

Lucas 10:42

Ashtahuanpish shujllata ruranamari alli. Mariaca ashtahuan allitami agllashca, chaitaca pi mana quichungachu– nirca.

Lucas 12:30

Taita Diosta mana rijsijcunallami tucui chaicuna yuyailla causan. Ashtahuanpish cancunapaj Yayaca, cancunapaj imalla illashcataca ñamari yachan.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

1 Timoteo 4:8

Aichata cuyuchinapish, asha allimi. Ashtahuanca Taita Dios yuyailla canami tucuipaj alli. Paimi cai causaipajpish, shamuj causaipajpish cusha nishcata charin.

Hebreos 13:5

Cancunaca quiquinpajlla ashtahuan charij canataca ama munaichijchu. Cunan imata charishcacunallahuan cushi caichij. Chashnacunatami Diosca: “Cantaca manataj shitashachu, manataj cungarishachu” nin.