Lucas 12:30 - Dios Rimashca Shimicunami

³⁰ Taita Diosta mana rijsijcunallami tucui chaicuna yuyailla causan. Ashtahuanpish cancunapaj Yayaca, cancunapaj imalla illashcataca ñamari yachan.

Mushuj Testamento Diospaj Shimi

³⁰ Cai pachapajlla causajcunami, tucui chaicunata charina yuyailla purincuna. Ashtahuanpish cancunapaj Yayaca, cancunapaj chaicuna illashcataca ricunllatajmi.

Lucas 12:30 Iomraidhean Croise

Mateo 10:20

Mana quiquincunapaj yuyaimantachu rimanguichij, ashtahuanpish cancunapaj Yayapaj Espiritumi cancunataca rimachinga.

Mateo 18:14

Chashnallatajmi jahua pachapi caj cancunapaj Yayapish, cai uchillacunamanta shujllapish chingarichunca manataj munan.

Mateo 5:47

Cancunahuan alli cajcunallata allillachu canguichij nishpaca, ima allita mana ruranguichijchu. ¿Manachu Taita Diosta mana rijsijcunapish, chashnallataj rurancuna?

Mateo 6:1

Runacunapi alli ricuringa raiculla paicunapaj ñaupajpi allita ruraj canamantaca huaquichirichij. Chai raiculla rurashpaca jahua pachapi caj cancunapaj Yayapajta japina cashcataca mana japinguichijchu.

Mateo 6:32

Taita Diosta mana rijsijcunallami tucui chaicuna yuyailla huañurishpa causancuna. Ashtahuanpish jahua pachapi caj cancunapaj Yayaca, cancunapaj tucui ima illashcataca ñami yachan.

Mateo 6:8

Cancunaca ama paicuna shina mañaichijchu. Cancunapaj Yayaca, imalla illashcataca ñami ñaupaman yachan.

Lucas 12:29

Cancunaca imatataj micushun, imatataj ubyashun nishpa ama chai yuyailla causaichijchu.

Lucas 12:31

Cancunaca Taita Dios mandashcaraj tucuichij. Chaipica Taita Diosca ima charina cashcataca cancunaman cungallami.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Efesios 4:17

Mandaj Jesuspaj shutipimi, caita nisha nini: Caishuj mana judiocuna shina ña ama purichijchu. Paicunaca, paicunapaj yanga yuyaihuanmi causancuna.

1 Tesalonicenses 4:5

Taita Diosta mana rijsijcuna shina, millai munaicunahuan maipish cachun ama causaichijchu.