Lucas 12:28 - Dios Rimashca Shimicunami

²⁸ Taita Diosca q'uihuacunatapish sumajtami huiñachin. Cayaca rupanapajlla caj q'uihuamanpish chashna churachishpaca ¿manachu cancunamancarin chaitapish yalli churachinga? Chaita yachashpapish mana tucui shunguhuan cringuichijchu.

Mushuj Testamento Diospaj Shimi

²⁸ Taita Diosca, chagrapi cunan sumajta sisashca, cayaca hornopi rupachishca cana qʼuihuatapish, chashna sumajtamari huiñachin. Cancunamancarin chaitapish yallimari churachinga. Chaita yachashca jahuaca, ¿ima nishpataj mana tucui shunguhuan cringuichij?

Lucas 12:28 Iomraidhean Croise

ISAÍAS 40:6

“Caparijca capariyari” nijpimi ñucaca: “¿Imatataj caparishpa huillana caniyari?” nijpica: “Tucui gentecunami q'uihua shinalla. Pai sumaj cashcaca chagrapi tiyaj sisa shinallami.

Mateo 14:31

Jesusca, maquimanta japishpaca: –Ashallata crij runa ¿ima nishpataj caita chaita yuyacunguiyari?– nirca.

Mateo 16:8

Chaita Jesús yachashpami: –Tandata mana apamushcanchijca nishpa ¿ima nishpataj cancunapura rimanacucunguichij? Ashallata crij runacuna.

Mateo 17:17

Jesús cutichishpaca: –¡Huahua huahuami mana crij millaicuna canguichij! ¿Maicamataj cancunahuan causacushalla? ¿Maicamataj cancunataca yachachicushalla? Chai huambrata caiman pushamuichij– nircami.

Mateo 17:20

Jesusca paicunataca: –Cancunaca ashallata crijcuna cashcamantami mana llujshichi tucushcanguichij. Cashnatajmi nini: Uchilla mostaza muyu shinallatapish crinata charishpaca, cai urcutapish: “Caimanta chaiman ri” nijpica, rinmanmi. Imapish mana sinchi canmanchu.

Mateo 6:30

Q'uihuacunaca cunanca sumaj cashpapish cayaca hornopi rupanapajlla cajpipish Taita Diosca chashna sumajtami churachin. ¿Manachu cancunamancarin chaicunaman churachishcata yalli churachinga? Cancunaca ashallata crijcunamari canguichij.

Mateo 8:26

Chaimi Jesusca: –¿Ima nishpataj mancharinguichij? Cancunaca ashallata crijcunami canguichij– nishpa jatarishpaca, huairatapish, yacutapish casilla tucui nishpa sinchita rimajpica chashna tucurcallami.

Lucas 8:25

Chaimi Jesusca: –¿Ima nishpataj mana cringuichij?– nijpi, paicunaca chujchushpa mancharishpaca, caishuj chaishuj: –Cai runaca ¿pitagari? huairapish, yacupish pai mandajpica cazunllamari– ninacurcacuna.

Hebreos 6:7

Cutin cutin tamyajpi yacuta tsupaj allpaca alli granotami p'ucuchin. Chaimantami chagrajcunaca Dios cushca allicunata japincuna.

1 Pedro 1:24

Quillcachishcapica: “Tucui gentecunaca, q'uihua shinallami. Paicuna sumaj cashcapish, q'uihua sisa shinallami. Quihua chaquirijpica, sisapish urmanllami.