Lucas 12:2 - Dios Rimashca Shimicunami

² Ima mana pacalla cangachu, tucuimi ricuchishca canga. Ima pacalla cajpish mana yachashcaca mana cangachu.

Mushuj Testamento Diospaj Shimi

² Ima pacashca tiyacujpish, yachaj chayaringatajmi. Ima huashalla rurashcapish ricuringatajmi.

Lucas 12:2 Iomraidhean Croise

ECLESIASTÉS 12:14

Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.

JEREMÍAS 16:17

Ñucaca paicuna imallata rurajtaca, tucuitami ricucuni. Paicunapaj juchacunapish ñuca ñahuimantaca ima mana pacallachu, ricunallami tiyacun.

OSEAS 8:13

Ñucaman cushpa rupachinacunatapish, aichata cushpami rupachincuna. Aichataca micuncunami. Mandaj Diosca chaitaca mana munarcachu. Cunanca paicuna millaita rurashcataca callarishpa yuyarishpami, paicuna juchallishcamantaca llaquichisha. Egiptomanmi tigrachishpa cachasha.

Marcos 4:22

Ima mana pacalla canapajchu. Tucuimi ricuchishca canapaj. Tucuicunapaj ñaupajpi ricurinatajmi.

Lucas 8:17

Shina cajpica ima mana pacalla canapajchu. Pi mana yachashcaca mana cangachu. Tucuicunapaj ñaupajpi ricuringatajmi.

Romanos 2:16

Chaicunataca imalla rurashcata Taita Dios ricuchishpa llaquichina punllapica, alli huillaipi huillashca shinallatajmi, pacalla rurashcacunataca tucuicunapajta Jesucristota ricuchichinga.

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

2 Corintios 5:10

Imalla rurashcata Cristo ricuchicun ñaupajpica, tucuicunamari ricurigrinataj canchij. Chaipimi cai cuerpohuan cashparaj, cada quiquin allita rurashca cashpa, mana allita rurashca cashpapish, japina cashcata japishun.