Lucas 12:19 - Dios Rimashca Shimicunami

¹⁹ Chashna huaquichishpaca paipaj yuyaitaca: Achcatami tauca huatacunapaj huaquichishcata charingui. Cunantajca samarishpa, micucuilla, ubyacuilla, cushicucuilla niricurcami”.

Mushuj Testamento Diospaj Shimi

¹⁹ Chashna huaquichishpaca: ‘Ñuca almalla, cunantajca achcatami tauca huatacunapaj huaquichishcata charini. Micucui, ubyacui, cushicucui, samaricui’ niricurcami.

Lucas 12:19 Iomraidhean Croise

JOB 14:1

Huarmimanta huacharishca runaca, asha punllacunallata causana cashca jahua, llaquihuan shaicushcallami causan.

SALMOS 49:18

Causacushpaca pai quiquinllataj cushicucunimi niringami. Achcata charij cashcamanta alabashca cangachari.

SALMOS 62:10

Llaquichinacuillapica ama shunguta churaichu. Shuhuashcallapica ama yanga jatun tucuichu. Charinacunata jahuanpi jahuanpi mirachishpapish ama chaipi shunguta churaichu.

PROVERBIOS 10:2

Millaita rurashpa charijyashcacunaca, ima allita mana cunchu. Ashtahuanpish cashcata ruranaca huañuimantapish quishpichinmi.

PROVERBIOS 14:24

Yachaisapacunapajca, charijyashcami coronata churarishcata ricuchin. Ashtahuanpish ch'ahuancunaca, rumi shungu cashcahuanmi cushicuncuna.

PROVERBIOS 18:11

Charij runaca achcata charishcataca, muyundijta jatun pircayuj pueblo shina, jatun torre shina huaquichij cashcatami yuyan.

PROVERBIOS 23:5

¿Maitataj yangalla caj charinacunapica, cambaj yuyaita churanguiyari? Chaicunaca alas jundajpi águila jatarishpa, jahuata rij shina ñapish chingaringallamari.

PROVERBIOS 27:1

Caya punllaca chashna rurasha nishpa ama jatun tucunguichu. Caya ima tucunataca manamari yachanguichu.

ECLESIASTÉS 11:9

Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui.

ECLESIASTÉS 2:24

Quiquin trabajomantaca micushpa, ubyashpa cushicunamari alli. Chashna cushicunapish Dios cujllapi tiyaj cashcatami ricurcani.

ISAÍAS 22:13

Ashtahuanpish chashna ruranapaj randica yallitajmari cushicunguichij. Huagracunata huañuchishpa, ovejacunata huañuchishpa, aichata micushpa, vinota ubyashpaca: “Micushunchij ubyashunchij cayaca ñami huañugrinchij” ninguichijmi.

ISAÍAS 5:11

Machanaman ringapajlla utca jatarijcunalla. Tutayangacama ubyacujcunalla. Nina sindirij shina vino machachingacama ubyacujcunalla. ¡Aij, imachari tucunga!

ISAÍAS 5:8

Aij, caipi chaipi huasicunata randijcunalla. Aij, caipi chaipi haciendacunayuj tucucujcunalla. Tucuicunapajta quiquinpajlla tandacujcunalla. ¿Cancunallachari tucui llajtacunapi causashun ninguichij?

ISAÍAS 56:12

Paicunaca: “Shamuichij, vinota ubyashunchij, sidrahuan machashunchij. Cayapish cunan punlla shinallatajmi canga. Mana cashpaca ashtahuan yalli allipishmi canga” nincunami.

OSEAS 12:8

Efrainca cashnami nin: “Ñucaca achcata charijmi tucushcani. Achca valij charinacunayujmi tucushcani. Ñucataca mana allitamari rurashcangui nishpaca pi mana juchachingachu. Ñuca ima rurashcacunapipish, ima juchata mana japingacunachu” nircami.

AMÓS 6:13

Cancunaca imamantapish cushicunguichijmi. Cancunaca: “Mandanatapish ñucanchij quiquin fuerzamantami charinchij” ninguichijmi.

HABACUC 1:16

Chashna tandachishcamantami, linchimanca animalcunata cushpa huañuchingacuna. Mallacunamanca sahumeriocunatami rupachingacuna. Chaicunahuanmi achcata charijyarcacuna. Chaimantami micunatapish achcata charircacuna.

Lucas 12:18

cashna nirirca: “Cunanca caita rurasha: Cai huaquichinacunata urmachishpa, ashtahuan jatuncunata shayachisha. Ñuca tucui granocunatapish, tucui charishcacunatapish chaipi huaquichingapaj.

Lucas 16:19

Shuj charij runami tiyarca. Paica alli lino, morado churanacunallatami churarij carca. Jatun micuitapish punllantami ruraj carca.

Lucas 21:34

Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

1 Corintios 15:32

Éfeso pueblopi p'iña animalcunahuan jatun tucungapajlla macanacushca cashpaca ¿ima allitataj japishari? Huañushcacuna mana causarina cajpica: “Micushunchij, ubyashunchij, cayaca huañushunmi” nimanmari.

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.

1 Timoteo 5:6

Maijan viudaca aichata cushichina yuyailla puricushpaca, huañushca shinallatajmi.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

2 Timoteo 3:4

quiquinpurallatataj llaquipi churajcuna, jahualla p'iñarijcuna, imapish mana caipajta yuyajcuna, Taita Diosta mashcanapaj randica aicha munaipi cushicunallatami c'uyangacuna.

Santiago 5:5

Cancunaca cai pachapica munashcata cushicushpami, cacharishcacuna tucushpa causashcanguichij. Cancunapaj shungucunapish huañuchina punllapaj animal huirayaj shinami huirayashcanguichij.

1 Pedro 4:3

Diosta mana rijsijcuna munashcata ruranataca, ñami sarunman yallitaj rurarcanguichij. Aicha munashcata rurashpa, aichata cushichishpa, machashpa, maipish cachun fiestacunata rurashpa, mana alli yuyaicunallahuan cushicushpa, millanayaj rurashcalla dioscunata adorashpami purircanguichij.

Apocalipsis 18:7

Pai jatun tucushpa munashcata rurashpa achcata cushicushpa causashca shinallataj jatunta llaquichichij, achcata huacachichij. Paica shungupica: Ñucaca jatun mandaj shinamari tiyacuni, ñucaca mana viudachu cani, ima llaquitapish mana charishachu” niricunmi.

1 SAMUEL 30:16

Chai runa pushashpa rijpi chayanapajca, chai runacunaca tucui chai pambapimi mirga mirga tucushpa micucushcacuna carca, ubyacushcacuna carca. Filisteocunatapish, judacunatapish, tucuita quichushpa apashcamanta cushicushpami, fiestata ruracushcacuna carca.