Lucas 12:18 - Dios Rimashca Shimicunami

¹⁸ cashna nirirca: “Cunanca caita rurasha: Cai huaquichinacunata urmachishpa, ashtahuan jatuncunata shayachisha. Ñuca tucui granocunatapish, tucui charishcacunatapish chaipi huaquichingapaj.

Mushuj Testamento Diospaj Shimi

¹⁸ Chashna yuyacushpallami, cashna nirirca: Arishi, caita rurasha: Cai huaquichina huasicunata urmachishpa, shujtaj ashtahuan jatun huasicunata shayachisha. Ñuca tucui granocunatapish, imalla charishcatapish chaipi huaquichisha.

Lucas 12:18 Iomraidhean Croise

SALMOS 17:14

Mandaj Dioslla, chai runacunamantaca cambaj maquihuan quishpichiyari. Cai pachapajllata munaj runacunamanta quishpichiyari. Paicuna japinataca cai pachallapimi charincuna. Paicunaca can cushcataca huijsallapimi jundata charincuna. Paicunapaj huahuacunapish huijsallapimi sajsancuna. Cai pachapica q'uipa huahuacunapajpish puchuchinrajmi.

Mateo 6:26

Jahuata purij pajarocunata ricuichigari. Paicunaca mana tarpunchu, mana tandanchu, huaquichinacunapipish mana huaquichinchu. Shina cajpipish jahua pachapi caj cancunapaj Yayaca paicunamanca caranllami. ¿Manachu cancunaca paicunatapish yalli canguichij?

Lucas 12:17

Chaimi paipaj shungupica: “¿Imatataj rurashari? Ñuca granocunata huaquichinaca ña maipi mana tiyanca” nirishpami,

Lucas 12:19

Chashna huaquichishpaca paipaj yuyaitaca: Achcatami tauca huatacunapaj huaquichishcata charingui. Cunantajca samarishpa, micucuilla, ubyacuilla, cushicucuilla niricurcami”.

Lucas 12:21

Cai causaillapi quiquinpajlla tucuita tandachishpa huaquichijca, Taita Diospaj ñaupajpica imata mana charinchu” nircami.

Lucas 12:24

Cuervocunata ricushpallapish yuyarichigari: Paicunaca mana tarpunchu, mana tandanchu, granocuna huaquichina huasitapish, chai ucupi granocunata huaquichinacunatapish mana charinchu. Ashtahuanpish Taita Diosca caranllami. ¿Manachu cancunaca pajarocunatapish yalli canguichij?

Lucas 18:4

Juezca pai huillashcataca mana uyasha nircachu. Punllanta puricujllapimi, cashna yuyarirca: Taita Diostapish, runatapish mana manchanichu,

Lucas 18:6

Chaimi Mandaj Jesusca: “Millai juez cashpapish ima shina nishcata yuyarichij.

Santiago 3:15

Chashna yuyaica, jahua pachamantaca mana shamunchu. Chaica cai pachamanta, gentecunamanta, diablomantami shamun.

Santiago 4:13

“Cunan cashpa, caya cashpapish cai puebloman, chai puebloman rishunchij. Chaipi shuj huatata cangapaj. Randishpa, c'atushpa cullquita mirachingapaj” nijcuna ¡uyaichij!

Santiago 4:15

Chashna ninapaj randica: “Jatun Dios munajpica causashunmi, caitapish chaitapish rurashunmi” ninami canguichij.