Lucas 12:17 - Dios Rimashca Shimicunami

¹⁷ Chaimi paipaj shungupica: “¿Imatataj rurashari? Ñuca granocunata huaquichinaca ña maipi mana tiyanca” nirishpami,

Mushuj Testamento Diospaj Shimi

¹⁷ Chaimantami paica: “¿Imatataj rurashari? ¿Maipitaj cai tucuitaca huaquichishari?” nishpa yuyarirca.

Lucas 12:17 Iomraidhean Croise

ECLESIASTÉS 11:2

Canchismanpish, pusajmanpish carailla. Llajtapaj ima llaqui shamucunataca mana yachanguichu.

ISAÍAS 58:7

Yaricaihuan cajman cambaj micunata caraj cangapaj. Huasita mana charij puricujcunaman pozachij cangapaj. Lluchulla cajta ricushpa churachij cangapaj. Cambaj huauqui ima llaquihuan cajta ricushca jahua, ñahuita ama shujman churaj cangapaj ayunachunmi mandarcani. Chaitaca ¿manachu yuyaringui?

Mateo 16:7

Yachacujcunaca: –Tandata mana apamushcamantami, chashna nin– nishpami paicunapura rimanacurcacuna.

Mateo 5:42

Maijanpish canta imata mañajpica cunguilla. Maijanpish canta imata mañachi nijpica, mañachinguilla.

Lucas 10:25

Mandashcacuna ima nisha nishcata yachachij shuj runami, Jesús imapi pandarijpica juchachingapaj nishpa cashna tapurca: –Yachachij ¿imata rurashpataj huiñai causaita japisha?– nijpi,

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Lucas 12:16

Shuj yuyachij parlotapishmi, cashna nishpa parlarca: “Shuj charij runapaj allpapimi achca grano p'ucushca carca.

Lucas 12:18

cashna nirirca: “Cunanca caita rurasha: Cai huaquichinacunata urmachishpa, ashtahuan jatuncunata shayachisha. Ñuca tucui granocunatapish, tucui charishcacunatapish chaipi huaquichingapaj.

Lucas 12:22

Chai q'uipami Jesusca paipaj yachacujcunataca cashna nirca: Chashna cana cashcamanta: “Cancunapaj causaipica, imatataj micushun, cuerpopipish imatataj churashun nishpa ama chai yuyailla caichijchu.

Lucas 12:29

Cancunaca imatataj micushun, imatataj ubyashun nishpa ama chai yuyailla causaichijchu.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 16:3

Chaimi chai mayordomoca: “Cunanca ¿imatataj rurashari? Ñuca amoca, mayordomo canatamari quichugrin. Tsagmanatapish mana pudishachu, caridadta mañaj canatapish pinganayanmi.

Lucas 16:9

Ñucaca cancunataca cashnami nini: Cai pachallata yuyashpa charijyashcacunata shujtajcunaman cushpa paicunahuan alli apanacuj tucuichij. Chashna rurashca cajpimi cancuna illaj tucujpica jahua pachapi huiñaita causanapaj chasquinga.

Lucas 18:22

Chaita uyashpami Jesusca: –Shujca illanrajmi: Can imalla charishcacunata tucui c'atushpa, huajchacunaman cugri. Chaimi jahua pachapica achcata charingui. Chai q'uipaca, shamui ñucata cati– nirca.

Lucas 19:17

Shina nijpi mandajca: “Allimi, alli servijmi cangui. Canca pajtachij cashpa ashallamantapish mirachishcamantaca, chunga pueblocunata mandajmi cangui” nircami.

Lucas 3:11

Chaimi Juanca: –Pipish ishqui churanata charijca, mana charijman shujta cuchun. Micunata charijpish, mana charijman carachun– nirca.

Hechos 16:30

Chaimanta paicunata canllaman llujshichishpaca: –Riqui, amocuna. Ñuca quishpiringapajca ¿imatataj rurana cani?– nijpimi,

Hechos 2:37

Chaita uyashpaca, shungumanta llaquirishpami Pedrotapish, caishuj apostolcunatapish: –Huauquicuna, ¿imatataj rurana canchij?– nijpi,

Romanos 12:13

Jucha illajcuna ima illajlla cajpica cuichij, huasipipish pozachij caichij.

1 Timoteo 6:17

Cai pachapi achcata charijcunataca ama jatun tucuchun, charinacunallapi ama yuyaita churachun mandangui. Chaicunaca chingarijllami. Ashtahuanpish ñucanchij cushicuchun tucui imatapish yallijta cuj causaj Taita Diospi yuyaita churachun mandangui.

1 Juan 3:16

Ñucanchijmanta Cristo paipaj causaita cujpimi, c'uyai ima cashcataca rijsircanchij. Chai shinallatajmi huauquicunamantaca, ñucanchijpish causaita cuna canchij.