Lucas 12:15 - Dios Rimashca Shimicunami

¹⁵ cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.

Mushuj Testamento Diospaj Shimi

¹⁵ Riquichij, pajta ñataj mitsa tucushpa, imatapish ashtahuan charina yuyailla canguichijman. Achcata charishcacunaca, mana causaita cunchu— nircami.

Lucas 12:15 Iomraidhean Croise

1 REYES 2:40

Chaimi Simeica paipaj burrota parejashpa paipajta rurajcunata mashcangapaj Gat pueblota jatun mandaj Aquispajman rirca. Pai rishpaca Gatpi caj paipajta rurajcunatami pushamurca.

JOB 2:4

Chashna nijpimi Satanasca, Mandaj Diostaca cashna nirca: –Runaca, carapuraca cambiangallatajmari. Mana huañusha nishpaca, tucui charishcahuanmi paipaj causaitaca quishpichisha ninman.

SALMOS 10:3

Millai runaca paipaj shungu munashcata rurashpami cushicun. Yallitaj charinallata munajtami alli nin, Mandaj Diostaca p'iñanmi.

SALMOS 37:16

Cashcata rurajpaj charishcaca ashalla cashpapish, juchayuj runacuna charishcatapish yallimi.

SALMOS 62:10

Llaquichinacuillapica ama shunguta churaichu. Shuhuashcallapica ama yanga jatun tucuichu. Charinacunata jahuanpi jahuanpi mirachishpapish ama chaipi shunguta churaichu.

PROVERBIOS 15:16

Charishcacunahuan musparinapaj randica, ashallata charishpapish, Mandaj Diosta cazushpa causanamari alli.

PROVERBIOS 16:16

Alli yachaita japinaca cullquita japishcatapish yallimi. Alli yuyaita japinaca, curita japishcatapish yallimi.

PROVERBIOS 28:16

Yuyaita mana japij mandajca, paiman imatapish cuchunllami mañan. Ashtahuanpish charij tucuna yuyailla canata mana munaj mandajca, unita mandacungallami.

JEREMÍAS 6:13

Cunanca ashtahuan uchillacunamanta callarishpa, ashtahuan jatuncunacama tucuicunami jahuanpi jahuanpi charijyanallata yuyancuna. Ñucamanta huillajcunamanta callarishpa, curacunacama tucuicuna umajcunami.

EZEQUIEL 33:31

Can rimashcata uyana cashcallamantami, ñuca agllashcacuna cashca shina uyanaman shamuj tucungacuna. Paicunaca can imalla rimashcata uyashpapish, chaitaca mana pajtachincunachu. Ashtahuanpish mishquijlla shimicunahuan rimashpapish, charina yuyaillami purincuna.

MIQUEAS 2:2

Shujpaj charishca allpataca munashcamantami, quichuncuna. Huasicunatapish munashcamantami chaitataj japincuna. Shuj runata p'iñashpaca, paipaj familiatapish, tucui imalla charishcacunandijmi llaquichincuna.

HABACUC 2:9

Shujtajcuna charishcacunata munashcamanta shuhuashpa huasipi jundachijca, ¡aij imachari tucunga! Paica jatun llaquimanta miticungapajmi paipaj huasitaca tazinta shina pi mana ricunallapi jahuaman churarca.

Marcos 7:22

shuhuana, quiquinpajlla charinata munana, millai munaicunata rurana, umana, yallitaj aicha munaita mana jarcari tucuna, envidiana, yanga juchachina, jatun tucuna, c'hahuan canapishmi llujshin.

Lucas 12:16

Shuj yuyachij parlotapishmi, cashna nishpa parlarca: “Shuj charij runapaj allpapimi achca grano p'ucushca carca.

Lucas 16:14

Chaita uyashpaca, paicunapajlla charinata yuyaj mitsa fariseocunaca Jesustaca asircacunami.

Lucas 21:34

Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

Lucas 8:14

Cashalla allpa shinaca huillashca Shimita uyajcunami. Ashtahuanpish uyashpa rishca q'uipaca, cai pachapaj munaicuna, charijyana munaicuna, aichata cushichina munaicuna tapajpimi, paicunapaj causaipica imata mana granon.

1 Corintios 6:10

shuhuacuna, quiquinpajlla charinata munajcuna, machajcuna, llaqui tucushca canman nijcuna, umashpa shuhuajcunapish Dios mandanapica imata mana japingacunachu.

Colosenses 3:5

Chaimanta cancunapi tiyaj cai pachapaj yuyaicunataca: Apanacushpa causanata, mapa causaita, mana alli ruraicunata, millai munaicunata, quiquinpajlla ashtahuan charij canatapish huañuchichij. Chaicunaca rurashcalla Diosta adorashca shinallatajmi.

2 Timoteo 3:2

Chai punllacunapica quiquinlla alli canata munajcuna, quiquinpajlla charinata munajcuna, jatun tucushcacuna, valishca tucujcuna, Taita Diosta c'amijcuna, yaya mamata mana cazujcuna, mana pagui nijcuna, Taita Diosta mana rijsijcuna,

Hebreos 13:5

Cancunaca quiquinpajlla ashtahuan charij canataca ama munaichijchu. Cunan imata charishcacunallahuan cushi caichij. Chashnacunatami Diosca: “Cantaca manataj shitashachu, manataj cungarishachu” nin.

JOSUÉ 7:21

Jericó pueblo runacunata quichushcacunapimari Babilonia llajtapi rurashca sumaj churanatapish, 200 siclo cullquitapish, pichca chunga siclota pizaj mirga curitapish ricushpa chaicunata achcata munashpa pacalla japishpa apamurcani. Chaicunataca ñuca carpa huasi ucupimi pambashpa churarcani. Cullquitapish chaicuna ucullapitajmi churarcani– nirca.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

2 Pedro 2:3

Chaicunaca quiquinpajlla ashtahuan charij canata munashcamantami crinalla shimicunahuan cancunata umashpa yachachishcamanta charijyanata yuyangacuna. Chashnacunataca ñaupamanta llaquichisha nishca jatun llaquica ñami quimimugrin, paicuna chingarinapish chaparacunmi.