Lucas 11:51 - Dios Rimashca Shimicunami

⁵¹ Abelta huañuchishca yahuarmanta, Zacariasta huañuchishca yahuarcamami, cunan punlla causaj cancunata Taita Diosca llaquichinga. Chaica chashnatajmi. Zacariastaca Taita Diospaj huasihuan, altarhuan chaupipimi huañuchirca.

Mushuj Testamento Diospaj Shimi

⁵¹ Abelta huañuchishca yahuarmanta callarishpaca, Diospaj huasihuan, altarhuan chaupipi huañuchishca Zacariaspaj yahuarcamami, Diosca cunan punlla runacunata llaquichinga.

Lucas 11:51 Iomraidhean Croise

GÉNESIS 4:2

Chai q'uipaca paipaj huauqui Abeltami huacharca. Abelca ovejacunata michijmi carca. Cainca allpapi trabajajmi carca.

JEREMÍAS 7:28

Chashna cashcamantaca cashna ningui: Cai llajta runacunaca, paicunata Mandaj Diosta mana cazuj runacunami. Imata jarcashpa yachachishcatapish, mana chasquishun nincunachu. Paicunapaj shimimantaca mana llullaj shimicunaca tucui chingarishcami ningui” nircami.

ZACARÍAS 1:1

Mandaj Dios ima nishcata huillaj Zacariasca, Iddopaj churi Berequiaspaj churimi carca. Persia llajtata jatun mandaj Darío ña ishqui huata pusaj quillata mandacujpimi, Mandaj Diosca Zacariasmanca cashna nirca:

Mateo 23:35

Chaimantaca, cashcata rurashpa causaj ñaupa gentecunata huañuchishca yahuarmanta llaquitaca, cancunami apanguichij. Cashcata ruraj Abelmanta callarishpa, Berequiaspaj churi Zacariastapish huañuchishcacamami, chai llaquitaca apana canguichij. Diospaj huasihuan, altarhuan chaupipimi Zacariastaca huañuchircanguichij.

Hebreos 11:4

Crishcamantami Abelca, Caín cushcata ashtahuan yalli Dios chasquinalla sacrificiota curca. Chaimantami pai cushcata chasquishpaca cashcata rurajmi nirca. Chashnami Abel huañushca cajpipish pai alli crij cashcataca Diosca huillacunraj.

Hebreos 12:24

Mushuj ari nishcapi gentecunamanta Dioshuan rimaj Jesuspajman, pai jichashca yahuarmanpishmi c'uchuyashcanguichij. Chai yahuarca Abelpaj yahuarta yalli allimi.

1 Juan 3:12

Ama Caín shina cashunchij. Paica diablopaj cashpami, paipaj huauquitaca huañuchirca. ¿Imamantataj huañuchirca? Pai rurashcacunaca millai cajpi, huauquipaj rurashcacunaca alli cajpimi huañuchirca.