Lucas 11:49 - Dios Rimashca Shimicunami

⁴⁹ Chaimantami Taita Diosca tucuita yachaj cashpa: “Profetacunatapish, apostolcunatapish ñucaca cachashami. Paicunamanta maijancunataca huañuchingacunami, shujtajcunataca catirashpami llaquichingacuna” nirca.

Mushuj Testamento Diospaj Shimi

⁴⁹ Chaimantami Taita Diosca tucuita yachaj cashpa, cashna nishca: “Ñuca ima nishcata huillajcunatapish, huillagrichun mingashcacunatapish cachashami. Chaicunamanta maijancunataca huañuchingacunami, maijancunataca pʼiñashpa mana ricusha ningacunachu” nishcami.

Lucas 11:49 Iomraidhean Croise

JEREMÍAS 7:25

Cancunapaj ñaupa yayacunata Egipto llajtamanta llujshichimushcamantapacha cunancamami, ñucata servij tucui huillajcunata huasha huasha cachashpa huillachini.

Mateo 22:6

Maijancunaca cachashca servijcunata japishpa, macashpami huañuchircacuna.

Lucas 11:48

Chashna rurashpaca, cancunapaj ñaupa yayacuna rurashcatami alli nishcata ricuchinguichij. Profetacunataca paicunami huañuchircacuna. Cancunaca chai jahuapi pircashpa sumajyachijcunami canguichij.

Lucas 24:47

Jerusalenmanta callarishpa, tucui llajtacunapi causajcunaman mana allita ruracushcata saquishpa cutirichij, juchacunata Taita Dios perdonachun nishpa paipaj shutipi huillashcami canga nishcamari.

Juan 16:2

Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

Hechos 1:8

Shina cajpipish jucha illaj Espíritu cancunapaj jahuaman shamujpimi, imatapish rurai tucuj canguichij. Chashna cashpami ñucamantaca Jerusalenpi, tucui Judeapi, Samariapi, cai pachapi tiyaj tucui llajtacunapi huillanguichij– nircami.

Hechos 11:27

Chai punllacunapimi Jerusalenmanta maijan profetacuna, Antioquiaman uriyamurcacuna.

Hechos 22:20

Shinallataj canmanta huillaj Estebanta yahuarsapata rurashpa huañuchicujpipish allimi nishpa, huañuchijcunapaj churanacunatapish cuidashpami ñucaca shayacurcani” nircanimi.

Hechos 7:57

Chaita mana uyashun nishpami, paicunapaj rinrinta taparishpa achcata caparirinacushpa Estebantaca huaicashpa japircacuna.

Hechos 8:3

Sauloca, tandanacushca crijcunata chingachisha nishpami, huasin huasin yaicushpa c'aricunata, huarmicunatapish llujshichishpa carcelman cacharca.

1 Corintios 1:24

Shina cajpipish Dios cayashcacunapajca, judiocunapaj cashpa, griegocunapaj cashpapish, Cristoca Diospaj podermi, paipaj yachaipishmi.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

Efesios 4:11

Paillatajmi shujcunataca apostolcuna, caishujcunataca profetacuna, chaishujcunataca alli huillaita huillajcuna, maijancunataca michijcuna yachachijcunapish cachun churarca.

Colosenses 2:3

Yachaisapa canahuan, yuyaisapa canahuan charij canaca Cristopimi pacashca tiyacun.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.

Apocalipsis 18:20

Chai pueblo chashna tucushcamantaca cielopi tucui tiyajcunapish, Diospajlla cajcunapish, apostolcunapish, profetacunapish cushicuichij. Cancunata llaquichishcamantaca Diosca paicuna ima shina rurashca shinallatajmi paicunatapish llaquichishca”.