Lucas 11:47 - Dios Rimashca Shimicunami

⁴⁷ Cancunapaj ñaupa yayacunallataj huañuchishca profetacunata pambashca jahuapi pircashpa sumajyachijcuna ¡aij cancunalla!

Mushuj Testamento Diospaj Shimi

⁴⁷ ¡Ai, imachari tucunguichij! Cancunapaj ñaupa yayacunaca, Dios ima nishcata huillajcunata huañuchircacunami, cutin cancunaca chaicunata pambashca bovedacunatami allichinguichij.

Lucas 11:47 Iomraidhean Croise

Mateo 23:27

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Bovedacunata yurajyachishca shinami canguichij. Canllata ricujpica sumajmi, ashtahuanpish ucumanca huañushcacunapaj tullucuna, tucui mapacunapish jundami.

Lucas 11:48

Chashna rurashpaca, cancunapaj ñaupa yayacuna rurashcatami alli nishcata ricuchinguichij. Profetacunataca paicunami huañuchircacuna. Cancunaca chai jahuapi pircashpa sumajyachijcunami canguichij.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

1 Tesalonicenses 2:15

Chaicunallatajmi Mandaj Jesustapish, paicunapaj quiquin profetacunatapish huañuchircacuna. Ñucanchijtapish llujshichishpami cacharcacuna. Taita Diostaca mana cushichincunachu, tucui runacunatapish jarcancunami.