Lucas 11:44 - Dios Rimashca Shimicunami

⁴⁴ Mandashcacunata quillcajcuna, fariseocuna, mishqui shimi jayaj shungucuna ¡aij, cancunalla! Cancunaca huañushcata pambashca jutcu shinami canguichij. Chai jahuata purijcunaca, ucupi ima tiyashcataca mana yachancunachu– nirca.

Mushuj Testamento Diospaj Shimi

⁴⁴ Mandashcata yachachijcuna, fariseocuna, mishqui shimi jayaj shungucunami canguichij, ¡ai, imachari tucunguichij! Cancunaca huañushcata pambashpa, lápida rumita mana churashca jutcu shinami canguichij. Mana yachashpaca, pambashca jahuata pipish jahuata purinllami— nircami.

Lucas 11:44 Iomraidhean Croise

SALMOS 5:9

Paicunapaj shimipica imatapish cashcata rimanaca mana tiyanchu. Shungupipish millaihuan jundami. Paicunapaj tunguripish pambana jutcuta pascashca shinami, c'alluhuanca sumajta rimaj tucucujcunami.

EZEQUIEL 39:15

Chai llajtapi huañushcacunata mashcagrijcunami, maipi tullucuna siricujta ricushpaca señalashpa saquingacuna. Chai tullucunata pambajcuna Hamón-gog pugru pambapi pambangacamami señalashpa saquingacuna.

OSEAS 9:8

Profetaca Efrainpaj chapajmi. Paica ñuca Taita Diospaj c'uchupimi. Profetapaj ñancunapica, lazyana huascatami churanguichij. Taita Diospaj huasipi cajpipish p'iñanguichijmi.

NÚMEROS 19:16

Huasicuna mana tiyanpi espadahuan huañuchishcapi, huañuna pajtajpi huañushcapi, huañushcapaj tullupi, huañushcata pambashcapi maijan cashpapish tuparijca canchis punllacama mapami canga.

Mateo 13:32

Mostazaca, tucui muyucunamanta yalli uchijlla cashpapish, huiñashpaca huertapi tiyaj tucui yuracunata yalli jatunmi. Chashna jatun yura cajpimi, pajarocuna shamushpa, ramacunapica tazinta rurashpa chai ucupi causancuna” nircami.

Hechos 23:3

Chaimi Pabloca: –¡Canca yurajyachishca pata shinallami cangui! Chaimanta Taita Diosmi cantapish huajtanga. Canca mandashcapi nishca shina rurangapajmari tiyacungui. ¿Ima nishpataj canca ñucata huajtai nishpa mandashcata p'aquingui?– nircami.