Lucas 11:42 - Dios Rimashca Shimicunami

⁴² Fariseocuna ¡aij cancunalla! Mentata, rudata, chagrapi p'ucushca tucui laya granocunata chungamanta shujta cujcunami canguichij. Ashtahuanpish cashcata ruranata, Taita Diosta c'uyanataca mana yuyaringuichijchu. Taita Diosman cunatapish mana saquishpami, chai mandashcacunataraj rurana carcanguichij.

Mushuj Testamento Diospaj Shimi

⁴² Fariseocunalla, ¡ai, imachari tucunguichij! Cancunaca mentata, rudata, ima shujtaj granocunatapish patsajmanta chungataca Diosman cunguichijtajmari. Chashna rurashpapish allita ruranata, Taita Diosta cʼuyanatamari cungarishcanguichij. Diosman cunatapish mana saquishpami, caicunataraj rurana carcanguichij.

Lucas 11:42 Iomraidhean Croise

NEHEMÍAS 10:37

Ñucanchij Diospaj huasi ucupi caj huaquichinacunamanpish curacunapajmi, tandata ruracun masamanta punta rurashca tandata, ñucanchij yuracunapi punta p'ucushca granota, punta rurashca vinota, punta rurashca aceiteta apamushun nircanchij. Levitacunapajca ñucanchij allpacunapi p'ucushca granocunamanta chungamanta shujta cushcata japina cajpimi, tucui pueblocunapi japichun nircanchij.

PROVERBIOS 21:3

Mandaj Diosca cashcata rurashpa alli yuyaihuan causajpimi, paiman cushpa rupachishcatapish yalli cushicun.

ECLESIASTÉS 7:18

Caita chariranaca allimi. Caishujtapish cambaj maquimantaca ama cacharinguichu. Diosta manchaj runaca, tucuimanta allimi llujshinga.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

MALAQUÍAS 1:6

Curacuna, tucuita Mandaj Diosca cashnami nin: “Huahuaca, paipaj yayataca cazunmi. Servij runapish, paipaj amo ima mandashcata ruranmi. Ñuca cancunapaj yaya cajpica, ¿ima nishpataj mana cazunguichigari? Ñuca cancunapaj amo cajpica, ¿ima nishpataj ñuca mandashcataca mana ruranguichigari? Cancunaca ñuca shutita yangapi churashca jahuamari: ¿Ima shinataj cambaj shutitaca yangapi churarcanchigari? ninguichij.

MALAQUÍAS 2:17

Cancunaca rimacushpallami, Mandaj Diostaca shaicuchishcanguichij. Chaimantaca: “¿Ima shinataj paitaca shaicuchishcanchigari?” ninguichijmi. “Maijanpish mana allita rurashpami, Mandaj Diostaca cushichin, paipish paicunamantami cushicun. Mana cashpaca, ¿cashcata ruraj Diosca maipitagari?” nishpami shaicuchinguichij.

MALAQUÍAS 3:8

¿Runaca, Diospajtaca shuhuai tucunchu? Cancunaca ñucapajtaca shuhuacunguichijmari. Chashna shuhuashca jahuapish cancunaca: ¿Imatataj cambajtaca shuhuacunchigari? ninguichijmi. Cancunaca chungamanta shujta cunatapish, ñucaman imalla cuna cashcatapish mana cushpamari shuhuashcanguichij.

Mateo 23:13

Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.

Mateo 23:23

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Mentata, anista, cominotapish chungamanta shujta cujcunami canguichij. Ashtahuanpish cashcata ruranata, llaquij canata, crinatapish, chai ashtahuan alli Mandashcatarajmari saquishcanguichij. Diosman cunatapish mana saquishpami, chai Mandashcacunataraj rurana carcanguichij.

Mateo 23:27

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Bovedacunata yurajyachishca shinami canguichij. Canllata ricujpica sumajmi, ashtahuanpish ucumanca huañushcacunapaj tullucuna, tucui mapacunapish jundami.

Lucas 18:12

Semanapica ishqui cutinmi ayunani. Tucui ñuca ganashcamantapish, chungamanta shujtami cuni” nirircami.

Juan 5:42

Cancunataca allimi rijsini. Taita Diospaj c'uyaitaca mana charinguichijchu.

1 Juan 4:20

Maijanpish: “Ñucaca Diostami c'uyani” nishpapish, paipaj huauquita p'iñajca llullami. Chaimanta maijanpish ricushca huauquita mana c'uyajca ¿ima shinataj mana ricushca Diostacarin c'uyangari?

1 SAMUEL 15:22

Chaimi Samuelca: –Mandaj Diosca paiman cushpa tucui rupachijpipish, sacrificiocunata cujpipish ¿pai nishcacunata cazushcamanta shinachu cushicunga? Sacrificiota cunapaj randi, carneropaj huirata cushpa rupachicunapajlla randica, pai nishcata uyashpa cazunami ashtahuan alli.