Lucas 11:41 - Dios Rimashca Shimicunami

⁴¹ Tucui imalla charishcamanta huajchacunaman cuna cashcata cujcunaca, chuyacunami canguichij.

Mushuj Testamento Diospaj Shimi

⁴¹ Cancuna imalla charishcacunamantaca, shujtajcunamanpish caraichij. Chashna rurashpami ucupish, jahuapish chuyajlla canguichij.

Lucas 11:41 Iomraidhean Croise

SALMOS 112:9

Paica chaupijmi, huajchacunaman cujmi. Paipaj cashcata ruraj canaca huiñaipajmi canga. Pai tucuita rurai tucuj cashcataca yallitaj jatunyachishcami canga.

SALMOS 41:1

Huajcha runa yuyailla cajca cushichishcami. Paitaca llaqui punllapica Mandaj Diosmi llaquimanta llujshichinga.

PROVERBIOS 14:31

Huajchata llaquijca, paita Ruraj Diostamari cushichin. Ashtahuanpish p'iñashpa llaquichijca, paita ruraj Diostamari llaquichin.

PROVERBIOS 16:6

Juchata ruracujtaca llaquishpa allita rurana yuyaihuanmi jarcan. Maijanpish Mandaj Diosta manchashpami, millai causaimantaca anchurin.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

DANIEL 4:27

Chaimanta jatun mandajlla ñuca cunashcata uyai: Cashcata rurashpa juchata ruracushcamantaca llujshi. Llaquichishca causacujcunata llaquishpa millaita ruracushcamantaca llujshi. Chashna rurashpaca cushi causaita, alli causaita charinguipishchari” nirca.

Mateo 26:11

Huajchacunaca mana illangachu. Ashtahuanpish ñucaca, ña mana cancunahuan causacushallachu.

Mateo 5:42

Maijanpish canta imata mañajpica cunguilla. Maijanpish canta imata mañachi nijpica, mañachinguilla.

Marcos 7:19

Imapish shimita yaicujca shungumanca mana yaicunchu. Ashtahuanpish huijsaman rishpa q'uipataca mapa tucushpa llujshinllamari– nircami. Chashna nishpaca, tucui imatapish micunalla cashcatami huillarca.

Lucas 12:33

Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu.

Lucas 16:9

Ñucaca cancunataca cashnami nini: Cai pachallata yuyashpa charijyashcacunata shujtajcunaman cushpa paicunahuan alli apanacuj tucuichij. Chashna rurashca cajpimi cancuna illaj tucujpica jahua pachapi huiñaita causanapaj chasquinga.

Lucas 18:22

Chaita uyashpami Jesusca: –Shujca illanrajmi: Can imalla charishcacunata tucui c'atushpa, huajchacunaman cugri. Chaimi jahua pachapica achcata charingui. Chai q'uipaca, shamui ñucata cati– nirca.

Lucas 19:8

Zaqueo shayarishpaca Mandaj Jesustaca: –Mandaj Jesús, ñuca charishcacunamanta chaupita imata mana charijcunaman cusha. Maijancunapajta umashpa shuhuashcataca chuscu cutinhuanmi tigrachisha– nirca.

Hechos 10:15

Chaimi chai rimajllataj cutin rimashpaca: –Taita Dios chuyayachishcataca, canca ama mapami nichu– nirca.

Hechos 11:29

Chashna cajpimi Jesusta catij Antioquiapi cajcunaca paicuna imallata cui tucushcata Judeapi causaj crijcunaman ayudashpa cachanata yuyarircacuna.

Hechos 24:17

Tauca huatacunata shujtaj llajtacunapi purishca q'uipami, Taita Diosman cushca cullquita ñuca llajtapi causajcunapaj cungapaj, ñucapish imallatapish Taita Diosman cungapaj Jerusalenman rircani.

2 Corintios 8:12

Maijanpish tucui shunguhuan ima charishcata cujpica, Diosca chasquinllami. Diosca imata mana charishcataca mana mañanchu.

Efesios 4:28

Maijan shuhua cashca cashpapish, ama ashtahuan shuhuachun. Chaipaj randica, trabajachun. Ima illajlla cajcunaman chaupinata charinapaj, quiquin maquihuan imatapish allita rurachun.

Tito 1:15

Chuyacunapajca tucui imapish chuyami. Ashtahuanpish ismushca shinacunapaj, mana crijcunapajca tucui imapish mapami. Paicunapajca yuyaipish, shungupish ismushcami.

Hebreos 13:16

Shinallataj allita ruranatapish, caishuj chaishujman ayudanatapish amataj cungaringuichijchu. Chashna sacrificiocunatami Diosca munan.

Hebreos 6:10

Diosca cashcata ruraj cashcamantaca, cancunapaj rurashcacunata paipaj shutipi c'uyaihuan trabajashpa ricuchishcata, jucha illajcunapajta rurashpa cunancamapish ruracushcamantaca manataj cungaringachu.

Santiago 1:27

Dios Yayata crijtaj cashcata paipaj ñaupajpi ricuchingapajca caitami rurana: Yaya mama illajcunata, llaquihuan caj viudacunatapish ayudana, cai pacha mapacunamantapish huaquichirinami.