Lucas 11:40 - Dios Rimashca Shimicunami

⁴⁰ ¡Yuyai illajcuna! ¿Manachu jahuatapish, ucutapish Taita Diosllataj rurarca?

Mushuj Testamento Diospaj Shimi

⁴⁰ ¡Rumi shungucuna! Ucutapish, jahuatapish chai Diosllatajmari rurarca.

Lucas 11:40 Iomraidhean Croise

GÉNESIS 1:26

Chai q'uipami Taita Diosca: “Cunanca yacupi causaj animalcunatapish, huairapi purij alasyuj animalcunatapish, charina animalcunatapish, sachapi causaj animalcunatapish mandachunca ñucanchijman rijchaj, ñucanchijtajlla runata rurashun” nirca.

GÉNESIS 2:7

Mandaj Taita Diosca runataca ñutu allpamanta rurashpa, paipaj singapi causaita cuj samaita p'ucujpimi, runaca causaiyuj tucurca.

SALMOS 14:1

Rumi shungu runaca paipaj shungupica: “Diosca mana tiyashcatami” yuyan. Tucuicuna yallitaj millai tucushpami millananacunata rurancuna. Allita rurajca pi mana tiyanchu.

SALMOS 33:15

Tucui paicunapaj shungutaca paimi rurarca. Paicuna imallata rurashcatapish tucuitami ricuracun.

PROVERBIOS 1:22

“Yachai illajcuna, ¿maicamataj yachai illajllataj causashun ninguichij? Chanzata rurajcuna, ¿maicamataj chanzata rurashpa cushicunguichigari? Ch'ahuanyashcacuna, ¿maicamataj yachanataca p'iñanguichigari?

PROVERBIOS 8:5

Yachai illajcuna, alli yuyaita japichij. Rumi shungucunapish, alli yuyaita japichij.

JEREMÍAS 5:21

Shungu illaj ch'ahuanyashca runacuna, cancunaca ñahuita charishpapish, mana ricunguichijchu. Rinrinta charishpapish, mana uyanguichijchu. Cunanca caita uyaichigari:

ZACARÍAS 12:1

Israelcuna imalla tucuna cashcataca, Mandaj Diosllatajmi huillarca. Jahua pachatapish, cai pachatapish ruraj, runacunamanpish espirituta cuj Mandaj Diosca cashnami nirca:

NÚMEROS 16:22

Chaimi paicunaca pambaman tupajta cumurishpa: –Taita Dios, tucuicunaman causaita cuj Dios. ¿Manachu shuj runalla juchallishca canga? ¿Ima nishpataj tucui israelcunahuan p'iñaringuiyari?– nircacuna.

Mateo 23:17

¡Yuyai illajcuna, mana ricujcuna! Curichu mana cashpaca, curita Diospajllata ruraj Diospaj huasichu ¿maijantaj ashtahuan yalli alli?

Mateo 23:26

¡Ñahui mana ricuj fariseo! Jahuapish ucupish chuya cachunca vasotapish, platotapish ucutaraj maillayari.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

Lucas 24:25

Chaimi Jesusca: –¡Cancunaca ¿upacunachu canguichij? Profetacuna huillashcacunata crinamari cancunapajca sinchiraj cashca!

1 Corintios 15:36

Upa, can tarpushcaca manaraj huañushpaca mana causaiman tigranchu.

Hebreos 12:9

Ñucanchij mana allita rurajpi ñucanchij yayacuna ima shinapish llaquichijpica, paicunataca allimi cazurcanchij. Shina cajpica, causaita cuj jahua pachapi caj Yayatacarin chaita yallitamari cazuna canchij. Chashna cashpami, causaita charishun.