Lucas 11:4 - Dios Rimashca Shimicunami

⁴ Ima shinami shujtajcuna ñucanchijta ima mana allita rurashcacunata perdonanchij, shinallataj ñucanchij juchacunatapish perdonapai. Ima mana allipi urmachun, ama saquihuangui. Tucui millaimanta huaquichihuangui” –nircami.

Mushuj Testamento Diospaj Shimi

⁴ Ñucanchij juchacunata perdonahuai, ñucanchijpish tucui ñucanchijta llaquichijcunataca perdonanchijmi. Mana alli munaicuna shamujpipish, ama urmachun saquihuanguichu” ninami canguichij— nishpami yachachirca.

Lucas 11:4 Iomraidhean Croise

GÉNESIS 48:16

tucui llaquicunamanta ñucata llujshichij Ángel, cai huahuacunataca alli cashca cachun nichun. Ñuca shutitaca paicunapi huiñaita rijsichun. Ñuca ñaupa yaya Abrahampaj, Isaacpaj shuticunatapish paicunapi huiñaipaj rijsichun. Cai pachapica achcacuna tucushpa yallitaj mirarishca cachun” nircami.

1 REYES 8:34

jahua pachamanta uyashpa can agllashca israelcunapaj juchata perdonashpa, can paicunapaj ñaupa yayacunaman cushca llajtallamantaj tigrachinguimi.

1 REYES 8:36

jahua pachamanta can uyashpa cambajta rurajcunapaj juchacunata, can agllashca israelcunapaj juchacunata perdonashpa, alli ñanpi purinata yachachishpa, paicunapaj allpacuna cachun can cushca allpacunapica tamyachinguimi.

SALMOS 121:7

Mandaj Diosmi tucui llaquimanta cantaca huaquichinga. Paimi cambaj causaita huaquichinga.

SALMOS 25:11

Ñuca juchaca yallitaj jatunmari. Mandaj Dioslla, quiquinpaj shutita c'uyashcamanta perdonahuai.

SALMOS 25:18

Llaquicunahuan ñuca cajta, shaicushca cajta ricuhuayari. Tucui ñuca juchacunata perdonahuai.

DANIEL 9:19

¡Jatun Dios uyahuayari! ¡Jatun Dios perdonahuayari! ¡Jatun Dios, quiquinpaj rinrinhuan uyashpa ñucanchij mañashcata rurahuayari! Ñuca Taita Dios, quiquinpaj shutita c'uyashcamanta, quiquinpaj shutita mañacun pueblota, quiquin agllashcacunata c'uyashcamanta llaquinataca ama uniyaichu” nishpami mañarcani.

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

Mateo 18:35

Maijan huauqui cancunata p'iñachishcacunata caishuj, chaishuj mana tucui shunguhuan perdonajpica, jahua pachapi caj ñuca Yayapish cancunataca chai shinallatajmi llaquichinga– nircami.

Mateo 26:41

Llaquicunata mishangapaj chaparaichij, mañaraichij. Espirituca mañanata yuyanmi, ashtahuanpish aichaca shaicushcami– nircami.

Lucas 11:5

Jesusca caitapishmi nirca: –Maijan cancuna alli rijsishcata charishpaca, chaupi tuta paipaj huasiman rishpaca: “Amigo, quimsa tandata fiyachi.

Lucas 13:4

Siloepica, jatun torre urmashpami chunga pusajcunata llapishpa huañuchirca. ¿Jerusalenpi causajcunata yalli millai runacuna cashcamantachu chashna tucushca yuyanguichijchu?

Lucas 22:46

Chaimi Jesusca: –¿Ima nishpataj dormicunguichij? Llaquicunata mishangapaj jatarishpa Taita Diosta mañaichij– nirca.

Lucas 8:13

Rumi shinaca huillashca Shimita uyashcahuan cushicushpa chasquijcunami. Shina cashpapish sapi mana ucujta cashcamanta paicuna crishcataca ashacamallami catin. Crij cashcamanta llaquicuna shamujpica saquirinllacunami.

Juan 17:15

Cai pachamanta paicunata anchuchichunca mana mañanichu, ashtahuanpish millaimanta huaquichichunmi mañani.

1 Corintios 10:13

Shujtajcunata japij millai munaicunallatajmi cancunatapish japirca, ashtahuan yallica mana japircachu. Ashtahuanpish Diosca pajtachij cashcamantami, chai millai munaicunataca cancuna apai tucunallata saquinga. Paillatajmi chai millai munaimanta llujshichun mishachinga.

Colosenses 3:13

Maijan caishujta p'iñashpa juchachijpica, caishuj chaishuj ahuantanacushpa, ima shinami cancunata Cristo perdonarca, chai shinallataj caishuj chaishuj perdonanacuichij.

2 Tesalonicenses 3:3

Ashtahuanpish Mandaj Jesusca tucui imatapish pajtachijmi. Paillatajmi cancunataca sinchiyachinga, millaimantapish huaquichinga.

2 Timoteo 4:18

Mandaj Jesusmi tucui millaimanta quishpichinga. Chashna rurashpaca, jahua pacha paipaj mandacunpi cangacamami ñucataca huaquichinga. Paitaca huiñai huiñaita jatunyachishca cachun. Chashna cachun.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

Apocalipsis 2:10

Llaquita apanataca ama manchaichu. Diabloca maijacunataca, crijtaj cashcata yachachun, carcelpimi churachinga. Chaipica chunga punllacunatami llaquita apanguichij. ¡Chashna cashpapish huañungacama catijmanca ñucaca causaita ricuchij coronatami cusha!

Apocalipsis 3:10

Mana p'iñarij alli shungu cai nishpa ñuca mandashcatami huaquichishcangui. Chaimantami ñucapish cai pacha tucui llajtacunapi causajcuna, ima shina cashcata ricungapaj jatunta llaquichicui punllacunamantaca cantapish huaquichisha.