Lucas 11:36 - Dios Rimashca Shimicunami

³⁶ Cambaj tucui cuerpo luzhuan junda cajpica ima amsa mana tiyangachu. Ima shinami lámpara pai achij nishcahuan achijyachin, chai shinallatajmi tucui cuerpo achijlla canga” nircami.

Mushuj Testamento Diospaj Shimi

³⁶ Ima amsapi can mana yaicurijpica, cambaj tucui cuerpomi achijllapi puringa. Huasi ucupi lamparata japichijpi, tucuita achijyachicuj shinallatajmi achijllapi causangui» nircami.

Lucas 11:36 Iomraidhean Croise

PROVERBIOS 1:5

Yachaisapa runa caita uyashpaca, ashtahuan yachajmi tucunga. Yuyaisapa runapish cunashcata chasquingami.

PROVERBIOS 20:27

Mandaj Dios cushca almaca, ñucanchij shunguta achijyachichun pai japichishca lámpara shinami. Chaimantami ñucanchij shungupi imalla yuyai tiyashcataca callarishpa ricucun.

PROVERBIOS 6:23

Paicuna yachachishpa mandashcaca, ninata japichishca lámpara shinami. Jarcashpa yachachishcaca causaipaj ñanta ricuchijmi.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

Mateo 13:52

Shina nijpi Jesusca: –Mandashcacunata yachachijcuna, jahua pachamanta mandacujpi yachacuj tucushpaca, shuj huasiyuj yaya paipaj sumaj charinacunata mushujtapish, maucatapish llujshichij shinami cangacuna– nircami.

Mateo 5:15

Luzta japichishpaca, cajón ucupi churangapajca pi mana japichinchu. Ashtahuanpish huasi ucupi tiyajcunata achijyachichunmi, lámpara tiyanapi churan.

Lucas 11:35

Alli yuyaihuan cangui. Canpi tiyaj luz ñataj amsayanman.

Lucas 11:37

Jesús tucui parlashca q'uipami shuj fariseo runaca paipaj huasipi micunaman jacupai nijpi, Jesusca chaiman rishpa huasiman yaicushpa micungapaj tiyarirca.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

Efesios 4:14

Chashna cashpami, caita chaita apaj huaira shina panda yachachinataca, huahuacuna shina mana crishun. Chaicunaca, umangapaj alli yachajcuna cashpami, ima shinapish panda yachachinata allichincuna.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

Hebreos 5:14

Sinchi micuica sinchiyashcacunapajllami. Shinallataj ima alli cashcata, ima mana alli cashcatapish agllana yuyaita charijcunapajllami.

Santiago 1:25

Ashtahuanpish cashcata ruraj mandashcaca, huatashcamanta cacharijmi. Chaita ricurashpa, uyarashpa, mana cungarishpa chaitataj rurashpa catirajca, pai imata ruracunpi cushichishcami canga.

2 Pedro 3:18

Chaipaj randica, mana c'uyaipajta c'uyaj cashcata ñucanchijta Mandaj Quishpichij Jesucristota ashtahuan rijsishpa huiñaichij. Cunanpish, huiñai huiñaitapish paica sumajmari nishca cachun. Chashna cachun.