Lucas 11:35 - Dios Rimashca Shimicunami

³⁵ Alli yuyaihuan cangui. Canpi tiyaj luz ñataj amsayanman.

Mushuj Testamento Diospaj Shimi

³⁵ Chaimanta, alli yuyaihuan causangui. ‘Achijpimi puricuni’ yuyashpapish, amsallapi causacunguiman.

Lucas 11:35 Iomraidhean Croise

PROVERBIOS 16:25

Cai pachapi causajcunapaj ñanca quiquin yuyaipi alli ricurishpapish, huañuiman chayachigrij ñanllami.

PROVERBIOS 26:12

Paipaj quiquin yuyaipi ¿yachaisapamari cani nirij runataca imallatapish rurajta ricushcanguichu? Chaipaj randica, rumi shungu runarajmi imallatapish ruranman.

Mateo 6:22

Cuerpopaj luzca ñahuimi. Cambaj ñahui alli cajpica, tucui cuerpo luzhuan jundami canga.

Lucas 11:34

Ñahuica cuerpopaj luzmi. Cambaj ñahui alli cajpica, tucui cuerpomi achijlla canga. Ashtahuanpish cambaj ñahui mana alli cajpica, cambaj tucui cuerpomi amsapi canga.

Lucas 11:36

Cambaj tucui cuerpo luzhuan junda cajpica ima amsa mana tiyangachu. Ima shinami lámpara pai achij nishcahuan achijyachin, chai shinallatajmi tucui cuerpo achijlla canga” nircami.

Romanos 1:22

Yachaisapacunami canchij yuyashpapish, ch'ahuancunami tucurcacuna.

2 Pedro 1:9

Ashtahuanpish chaicunata maijan mana charijca, caruta mana ricui tucuj shina, mana cashpaca ñahui mana ricuj shinami. Paipaj ñaupa juchacunata maillashca cashcata cungarishcamantami chashna tucushca.

2 Pedro 2:18

Paicunaca uyanajlla yanga shimicunata rimashpami, mana allita ruracushcamanta llujshishcacunataca aicha munaita rurana yuyailla canata cushpa pandachincuna.

Apocalipsis 3:17

Canca: Achcatami charini, achcatami charijyashcani ima illaj mana canichu niricunguimi. Ashtahuanpish canca llaqui tucujlla, llaquinayaj, huajcha, mana ricuj, lluchulla cashcataca mana yachanguichu.