Lucas 11:32 - Dios Rimashca Shimicunami

³² Imalla rurashcata Taita Dios ricuchi punllapica, cunan cai punllapi causajcunataca Ninivepi causajcunami mana allitamari rurashcanguichij ningapaj shamungacuna. Ninivepi causajcunaca Jonás huillajpimi, paicuna juchayuj cashcamanta Taita Diosman cutirircacuna. Riquichij, caipica Jonastapish yallimari huillacuni.

Mushuj Testamento Diospaj Shimi

³² Chashnallataj Dios llaquichina punllapica, Ninivepi causajcunapishmi cai runacunataca, ‘Mana allitamari rurashcanguichij’ nishpa juchachingacuna. Paicunaca Jonás huillajpica, Diosman cutirircacunamari. Ñucacarin caipica, Jonastapish yallimari cani.

Lucas 11:32 Iomraidhean Croise

JONÁS 3:4

Jonasca shuj punlla shinata purishpami: “Cunanmanta chuscu chunga punllapica, cai Nínive puebloca chingaringami” nishpa, caparishpa huillashpa purirca.

JONÁS 3:5

Jonás chashna huillajpica, Nínive pueblopi causajcunaca tucuicunami Taita Diosta crircacuna. Chaimantaca yuyajcunamanta callarishpa, uchilla huahuacunacamami cañamazuta churarishpa mana micurcacuna.

JONÁS 4:9

Chashna nijpimi Taita Diosca Jonastaca: –¿Chai calabazo yura chaquirishcallamantachu yallitaj p'iñaringui imatagari?– nijpi Jonasca: –Ñucaca colerahuan huañucunimi– nirca.

Mateo 12:39

Jesusca: –Huahua huahua millaita ruraj, huainayaj runacunaca, shuj señalta rurashpa ricuchichunmi mañancuna. Paicunamanca manataj ricuchishcachu canga. Ashtahuanpish profeta Jonás shina tucushcallatami ricungacuna.

Mateo 12:41

Imalla rurashcata Taita Dios ricuchi punllapica, cunan cai punllapi causajcunataca Ninivepi causajcunami, mana allitamari rurashcanguichij ningapaj shamungacuna. Ninivepi causajcunaca Jonás huillajpimi, paicuna juchayuj cashcamanta Taita Diosman cutirircacuna. Caipica Jonastapish yallimari huillacun.

Lucas 11:31

Imalla rurashcata Taita Dios ricuchi punllapica, ura llajtata jatun mandaj huarmimi cunan cai punllapi causajcunataca mana allitamari rurashcanguichij ningapaj shamunga. Chai huarmica ñaupa mandaj Salomón yachaisapa cajpimi, pai yachachishcata uyangapaj caru llajtamanta shamurca. Riquichij, caipica Salomontapish yallimari tiyan.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.