Lucas 11:31 - Dios Rimashca Shimicunami

³¹ Imalla rurashcata Taita Dios ricuchi punllapica, ura llajtata jatun mandaj huarmimi cunan cai punllapi causajcunataca mana allitamari rurashcanguichij ningapaj shamunga. Chai huarmica ñaupa mandaj Salomón yachaisapa cajpimi, pai yachachishcata uyangapaj caru llajtamanta shamurca. Riquichij, caipica Salomontapish yallimari tiyan.

Mushuj Testamento Diospaj Shimi

³¹ Dios llaquichina punllapica, ura llajtata jatun mandaj huarmimi cai runacunataca, ‘Mana allitamari rurashcanguichij’ nishpa juchachinga. Chai huarmica, Salomón yachachishcata uyangaraicumi, chai maitajshi caru llajtamanta shamurca. Ñucacarin Salomontapish yallimari cani.

Lucas 11:31 Iomraidhean Croise

2 CRÓNICAS 9:1

Sabá llajtata jatun mandaj huarmica, jatun mandaj Salomón yallitaj yachaisapa cashcata yachashpami, mana cutichi tucuipaj tapunacunata tapunaman Jerusalenman shamurca. Chai huarmica paita cuidaj, achca runacunandijmi shamurca. Mishquijllata ashnacujtapish, achca curitapish, sumaj rumicunatapish camellocunapi apachishcami shamurca. Salomonpajman shamushpaca, paipaj shungupi tucui imallata yuyacushcatami tapurca.

ISAÍAS 54:17

Canta tucuchingapaj ashtahuan ima macanacunacunata rurajpipish, cantaca chaicunaca imata mana rurai tucungachu. Canta llaquichingapaj tucui parlanacujcunatapish, canrajmi llaquipi churangui. Mandaj Diospajta rurajcuna japina cashcata japinaca, ñuca paicunata llaquimanta quishpichinami” ninmi Mandaj Diosca.

JEREMÍAS 3:11

Mandaj Diosca ñucataca cashnapishmi nirca: “Israel huarmica ñucamanta anchurishca cashpapish, cai mana cazuj Judá shinaca manaraj ricurinchu.

Mateo 12:42

Imalla rurashcata Taita Dios ricuchi punllapica, ura llajtata jatun mandaj huarmipishmi, cunan cai punllapi causajcunataca mana allitamari rurashcanguichij ningapaj shamunga. Chai huarmica ñaupa mandaj Salomón yachaisapa cajpimi, pai yachachishcata uyangapaj caru llajtamanta shamurca. Riquichij, caipica Salomontapish yallimari yachachicun– nircami.

Lucas 3:22

Jahua pachamantaca jucha illaj Espiritumi paloma shina cuerpoyuj paipaj jahuaman shamurca. Shinallataj jahua pachamantaca: “Canca ñuca c'uyashca Churimi cangui, canpimi cushicuita charini” nishpa rimashcapishmi uyarirca.

Lucas 9:35

Chai p'uyumantaca: “Caica ñuca c'uyashca Churimi, paita uyaichij” nishpa rimashcami uyarirca.

Romanos 2:27

Aichapi circuncisionta mana rurashca cashpapish, Mandashcata allitaj pajtachijca, canca Quillcashca Mandashcata charishpapish, circuncisionta rurashca cashpapish, Mandashcata p'aquijpica, pairajmi cantaca mana allichu cangui nishpa llaquichinga.

Hebreos 11:7

Crishcamantami Noepish, Dios llaquita cachasha nijpica, chai punllacunapi manaraj ima chashna tiyashcata ricushpapish Diosta manchashpa, huambuj huasita rurarca. Chaipimi paipaj familiandij quishpirirca. Crishpallami cai pachapi causaj millaita rurajcunataca, jatun llaquiman rina cashcata ricuchirca. Crishcamantami, Dioshuan alli tucunatapish chasquirca.