Lucas 11:24 - Dios Rimashca Shimicunami

²⁴ “Mapayachij espíritu runamanta llujshishpaca, shitashca pambacunatami samarinata mashcashpa purin. Samarinata mana japishpaca: “Ñaupa ñuca causacushcallamantaj cutin tigrashalla” nishpami tigran.

Mushuj Testamento Diospaj Shimi

²⁴ Mapa supai shuj runamanta llujshishpaca, mai shitashca pambacunapimi samarinata mashcashpa purin. Maipi tiyanata mana japishpaca: “Ñuca ñaupa causashcallamantaj tigrashalla” nishpami chaillamantaj tigran.

Lucas 11:24 Iomraidhean Croise

JOB 1:7

Chaipimi Mandaj Diosca Satanastaca cashna tapurca: –¿Maimantataj shamungui?– nijpi Satanasca, Mandaj Diosmanca: –Allpa pachata ricushpa muyushpami shamuni– nishpa cutichirca.

JOB 2:2

Chaimantami Mandaj Diosca, Satanastaca: –¿Maimantataj shamungui?– nishpa tapurca. Shina nijpica chai Satanasca, Mandaj Diostaca cashnami nirca: –Ñucaca, tucui allpa pachata muyushpa purishpami shamuni– nircami.

SALMOS 63:1

Taita Dios quiquinca ñuca Diosmari cangui. Tutamanta utcatami quiquintaca mashcasha. Ñuca almaca quiquintami yacunachin. Ñuca aichaca quiquintami munanachin. Chaquishca, tullu allpapimari puricuni. Yacu illanpimari puricuni.

PROVERBIOS 4:16

Paicunaca ima millaita mana rurashpaca, mana dormincunachu. Pita mana urmachishpaca, dormitapish mana japincunachu.

ISAÍAS 35:7

Chaquishca pambacunapipish yacu cuchacunami tucunga. Chaquishca pambacunapipish yacucuna t'imburishpa llujshicujmi canga. Chacalcuna causana jutcucunapipish, paicuna miticuna jutcucunapipish juncocuna, totoracunami huiñanga.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

ISAÍAS 48:22

Mandaj Jatun Diosca: “Millaicunapajca sumaj causai mana tiyanchu” nishcami.

Marcos 5:10

Cai llajtamantaca ama llujshichishpa cachahuaichu nishpami achcata rogarirca.

Marcos 9:25

Achcacuna jundarimujta ricushpami, Jesusca chai millai espiritutaca: –Upa, mana uyaj espíritu paimanta llujshichunmi ñucaca mandani, ñataj cutinca paipi yaicunguiman– nishpami sinchita rimarca.

Lucas 11:25

Ña tigrashpaca, p'ichashca allichishca chushajlla huasi ucu shinatami chai runataca ricun.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

1 Pedro 5:8

Cancunata p'iñaj diabloca, león huacaricuj shinami, maijanta millpungapaj muyundijta mashcashpa puricun. Chaimanta yachajcuna caichij, chaparacuichij.