Lucas 11:20 - Dios Rimashca Shimicunami

²⁰ Ashtahuanpish ñucaca Diospaj maquihuanmi, supaicunataca llujshichini. Ñuca chashna rurashpaca, Dios mandana cancunapajman ña chayamucushcatami ricuchini.

Mushuj Testamento Diospaj Shimi

²⁰ Ñucaca, Taita Dios-huan cashpami supaicunataca llujshichini. Caicunata Ñuca rurashcami, ña Taita Dios cancunata mandai callarishcata ricuchin.

Lucas 11:20 Iomraidhean Croise

ÉXODO 8:19

Chaimi brujocunaca faraontaca –Caitaca Taita Diospaj maquimi ruracun– nircacuna. Ashtahuanpish faraonca Mandaj Dios nishca shinallataj, rumi shungu tucushpami mana uyarca.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

Mateo 12:28

Ashtahuanpish ñucaca, Taita Diospaj Espirituhuanmi supaicunataca llujshichini. Ñuca chashna rurashpaca, jahua pachamanta mandana cancunapajman ña chayamucushcatami ricuchini.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 4:24

Chaitaca tucui Siria llajtapi huashan huashan yachaj chayashpami, tucui nanaicunahuan cajcunata, ch'ican ch'ican ungüihuan llaquita apacujcunata, supai japishcacunata, uraticucunata, mana cuyuri tucujcunatapish pushamujpi tucuicunata alliyachirca.

Lucas 10:11

“¡Cancunapaj pueblopi cajpi ñucanchij chaquipi ñutu allpa japirishcatapish, cancuna llaqui tucuna cashcata ricuchishpami caillapitaj chaspinchij! Ashtahuanpish caitaca yuyaripanguichij: Taita Dios mandanaca cancunapaj c'uchullapimi carca” ninguichij.

Lucas 10:9

Chaipi ungushcacuna tiyajpi, alliyachishpaca: “Cancunata Taita Dios mandanamari ña c'uchuyamushca” nishpa huillanguichij.

Lucas 11:21

C'ari c'ari runa alli allichirishca macanacunatapish maquipi charirashpa paipaj huasita chaparacujpica, ima huaquichishcapish tiyacunllami.

Hechos 20:25

Sarun punllacuna cancunahuan cashparajmi, Taita Dios mandacujpica ima shina cashcata huillarcani. Chaita uyajcunaca cunanmanta pacha cutinca pipish ña mana ñucataca ricunguichijchu.

2 Tesalonicenses 1:5

Cancuna chashna llaquicunata apashpaca, Taita Dios cashcata rurashpa paicunata llaquichina cashcatami ricuchicunguichij. Cancunaca Taita Dios mandanapi yaicunalla cashcamantami chashna llaquicunataca apacunguichij.