Lucas 11:2 - Dios Rimashca Shimicunami

² Chaimi Jesusca cashna nirca: –Cancuna mañashpaca cashna ninguichij: “Jahua pachapi caj ñucanchij Yaya, cambaj jucha illaj shutitaca, alli nishca cachun. Can mandana punlla ña chayamuchun. Ima shinami jahua pachapi can munashcata ruracun, shinallataj cai pachapipish can munashcata rurachun.

Mushuj Testamento Diospaj Shimi

² Chashna nijpimi, Jesusca cashna nirca: —Cancunaca cashna mañanguichij: “Jahua pachapi caj ñucanchij Yaya, Cantaca jucha illaj cashcamanta, tucuicuna alli nichun. Can mandana punlla shamuchun. Jahua pachapi shinallataj, cai pachapipish Can munashca rurarichun.

Lucas 11:2 Iomraidhean Croise

1 REYES 8:43

Paicuna mañashcataca quiquin causacun jahua pachamanta uyashpami, manapish Israel caj, quiquinta caparishpa mañashcataca uyangui. Tucui llajtapi causajcuna quiquinpaj shutita rijsishpaca, quiquin agllashca israelcuna shinallataj quiquinta manchachuncuna. Ñuca rurashca cai huasipi tucuicuna quiquinpaj shutita adorana cashcatapish entendichuncuna.

2 REYES 19:19

Cunanca Mandaj Dios, ñucanchij Dioslla quishpichihuayari. Tucui cai pacha llajtacunapi causajcuna quiquin Mandaj Dioslla Diostaj cashcata yachachunmi chai jatun mandajpaj maquimanta quishpichichun rogani” nishpami mañarca.

2 CRÓNICAS 20:6

Chaipi shayarishpami cashna nirca: “Ñucanchij yayacunata Mandaj Taita Dioslla, canca jahua pachapi causaj Diosmari cangui. Canmari tucui llajtacunata mandajcunandij cambaj maquipi charicungui. Mishana fuerzaca cambaj maquipimari, canhuanca pi mana shayari tucunchu.

SALMOS 103:20

Cancuna Mandaj Diospaj angelcuna, paita allimari cangui nichigari. Cancunaca pai imata nishcata pajtachingapaj fuerzasapacuna cashcamanta, pai mandashcata cazushpa paipaj shimi nishcata rurajcunami canguichij.

SALMOS 108:5

Taita Dioslla, jahua pachapipish jatunyachishca caiyari. Quiquinpaj sumaj cashcataca cai pachapipish jatunyachishca caiyari.

SALMOS 11:4

Mandaj Diosca paipajlla huasipimi. Mandaj Diosca jahua pachapimi paipaj jatun tiyanataca charin. Mandaj Diosca huañujlla runacunataca tucuicunatami allita rurajta, mana allita rurajta alli ricucun.

SALMOS 57:11

¡Taita Dios quiquin tucuita rurai tucuj cashcaca, jahua pachacunapi junda cachun! ¡Quiquinpaj sumaj cashcaca tucui cai pachapi cashca cachun!

ECLESIASTÉS 5:2

Shimihuan cashpapish, shungullapi cashpapish: “Diospaj imata rurashatajmi” ama ninguichu. Diosca jahua pachapimi tiyacun, canca allpapimi cangui. Paimanca can imata rurai tucushcallata ari ningui.

ISAÍAS 63:16

¡Quiquinmari ñucanchij yaya cangui! Abraham ñucanchijta mana charishca shina tucujpipish, Jacob ñucanchijta mana rijsisha nijpipish, Mandaj Dios quiquinmi ñucanchij yaya cangui. Huiñaimanta caj shuti quiquinca ñucanchijta quishpichijmi cangui.

EZEQUIEL 36:23

Shujtaj llajtacunapi causajcunaman ñuca jatun shutita yangata rurachishcataca jatunyachishami. Cancunapurapi ñuca shutita jatunyachijta ricushpami, shujtaj llajtacunapi causajcunaca ñucataca, Mandaj Diostaj cashcataca yachangacuna. Mandaj Jatun Diostajmi chashna nini.

DANIEL 2:28

Shina cajpipish pi mana yachai tucuipajcunata ricuchij Taita Diosmi jahua pachapi tiyan. Paimari can jatun mandaj Nabucodonosormanca, q'uipa punllacuna imalla tucunata ricuchishca. Jatun mandaj cambaj camapi cashpa can muscushpa, muscuipi shina imallata ricushcaca caimi:

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 7:18

Chaicunapaj q'uipaca, jahua pacha Taita Diospaj jucha illajcunami mandanata chasquingacuna. Mandanata paicuna japishpaca, huiñai huiñaitami mandangacuna nircami.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

LEVÍTICO 10:3

Chai q'uipami Moisesca, Aarontaca: –Cashna tucunataca Mandaj Diosca ña nircallatajmi. Paica: Ñucapajman c'uchuyajcunapimi ñucaca ima jucha illaj cashcata ricuchisha. Ñucaca tucui israelcunapaj ñaupajpimi jatunyachishca casha nijpica Aaronca upajlla carcallami.

LEVÍTICO 22:23

Huagrata cashpa, carnerota cashpa cusha nishcallamanta cucushpaca ima shina cajpipish, uchilla cajpipish cunguilla. Ashtahuanpish cushami nishcata pajtachingapaj cucushpa chashna cunata cujpica mana chasquingachu.

HABACUC 2:14

Ima shinami mama cuchaca yacuhuan junda tiyacun, chashnallatajmi cai pachapi causajcunaca Mandaj Dios jatun cashcata rijsina yuyaihuan junda cangacuna.

Mateo 10:32

Maijanpish ñucata catij cashcata runacunapaj ñaupajpi huillajpica, ñucapish jahua pachapi caj ñuca Yayapaj ñaupajpica paicunaca ñucapajmi nishami.

Mateo 3:2

“mana alli ruracushcata saquishpa cutirichij. Jahua pachamanta mandanamari ña c'uchuyamushca” nishpa huillarca.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

Lucas 11:1

Chai q'uipami Jesusca Diosta mañacurca. Pai ña tucuchijpica paipaj yachacujcunamanta shujca: –Mandaj Jesús, ñucanchijtapish Taita Diosta mañanata yachachi. Bautizaj Juanpish paipaj yachacujcunataca Taita Diosta mañanata yachachircami– nirca.

Romanos 1:7

Romapi tucui cajcuna, Dios c'uyashpa jucha illaj cachun cayashcacuna: Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninimi.

Romanos 8:15

Chaimanta manchaihuan cachunllataj huatashcata charij espiritutaca mana chasquircanguichijchu. Ashtahuanpish quiquin huahuata shina ruraj Espiritutamari chasquircanguichij. Paimantami: “¡Ñuca Yayitu!” nishpa caparicunchij.

1 Corintios 1:3

Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

2 Corintios 1:2

Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

Gálatas 1:4

Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

Efesios 1:2

Dios ñucanchij Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninimi.

Filipenses 1:2

Dios ñucanchij Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

Filipenses 4:20

Chaimanta Dios ñucanchij Yayataca, huiñai huiñaita jatunyachishca cachun. Chashna cachun.

Colosenses 1:2

Cristohuan shujlla tucushpa Colosapi alli caticuj jucha illaj huauquicunahuanca: Dios ñucanchij Yayapaj, Mandaj Jesucristopaj mana c'uyajpajta c'uyaj canapish, sumaj causaipish cancunahuan cashca cachun ninchijmi.

1 Tesalonicenses 1:1

Pablohuan, Silvanohuan, Timoteohuanmi Tesalonicapi caj tandanacushca crijcunaman quillcanchij. Cancunaca Dios Yayahuan, Mandaj Jesucristohuanpish shujllami canguichij. Ñucanchij Dios Yayapaj, Mandaj Jesucristopaj mana c'uyaipajta c'uyaj canapish, sumaj causaipish cancunahuan cashca cachun ninchijmi.

1 Tesalonicenses 1:3

Cancunaca crishcamantami allicunata rurashpa, c'uyaihuan trabajashpa, ñucanchijta Mandaj Jesucristopi shunguta churashpa paita shuyacunguichij. Chaimantami cancunata yuyarishpaca, ñucanchij Yaya Diosta mañanataca mana shaicunchij.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 19:6

Yallitaj achcacuna rimanacucuj shinaca, achca yacucuna huajiacuj shina, jatunta c'ulun nicuj shinapishmi sinchita cashna nicujta uyarcani: “Tucuita Rurai Tucuj ñucanchijta Mandaj Taita Diosmari mandacun. Chaimanta paitaca cushicushpa ¡Alabaichij!

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.