Lucas 10:7 - Dios Rimashca Shimicunami

⁷ Maijan huasipi chasquijpica, imatapish carashcata micushpa, ubyashpa chaillapitaj saquiringuichijlla. Taita Diospajta rurajca, pai causanapajca chaillamantatajmi japinga. Huasin huasinca ama puringuichijchu.

Mushuj Testamento Diospaj Shimi

⁷ Cancunata chasquij huasillapitaj ima carashcata micushpa, ubyashpa saquiringuichijlla. Imata ruraj runaca causanapaj chasquinatajmi can. Pajta huasin huasin puringuichijman.

Lucas 10:7 Iomraidhean Croise

NÚMEROS 18:31

Chaicunataca Dioshuan tupanacuna carpa huasipi cancuna imalla rurana cashcata rurashcamanta japina cashcamanta japishpa cancunapish, cancunapaj familiacunapish maipi cashpapish micunguichijlla.

Marcos 6:10

Cashnapishmi nirca: –Maiman rishpapish shuj huasiman yaicushpaca, chai llajtamanta llujshingacama chaillapitaj saquiringuichij.

Lucas 10:6

Sumaj causai cancunahuan cachun nishcata chai huasipi chasquisha nij tiyajpica, paicunahuanmi saquiringa. Ashtahuanpish mana chasquijpica cancunallahuantajmi ringa.

Lucas 9:4

Maijan huasiman yaicushpaca, chai llajtamanta ringacama, chaillapitaj saquiringuichij.

Hechos 16:15

Chaimi paipaj tucui familiandij bautizarishpa ñucanchijtaca: –Cancuna ñucata ña Mandaj Jesusta crijtaj cashcata ricushpaca, jacuchij ñuca huasipi pozanguichij– nishpaca saquichircatajmi.

Hechos 16:34

Bautizarishca q'uipaca, paipaj huasiman pushashpami micunata cararca. Chaipimi paipish, paipaj tucui huasi ucu familiapish Taita Diosta crishcamanta yallitaj cushicurcacuna.

Hechos 16:40

Carcelmanta llujshishpaca, Lidiapaj huasimanmi rircacuna. Chaipi caj crijcunata alli catinguichij nishpa cushichishpaca rircallacunami.

Gálatas 6:6

Diospaj Shimita maijanpish yachacujca, paita yachachijman tucui imalla charishcamanta cuchun.

DEUTERONOMIO 12:12

Mandaj Dios cancunapaj Taita Diospaj ñaupajpi cancunapish, cancunapaj churicunapish ushushicunapish, cancunapajta ruraj c'aricunapish, huarmicunapish, cancuna causanpi causaj levitacunapish chaicunata micushpami cancunahuan cushicungacuna. Paicunaca allpacunata mana charishcamantami cancunahuan cushicungacuna.

DEUTERONOMIO 18:8

Micunatapish caishujcuna shinallatajmi japinga. Yayapajta imallata japishca jahuami chashna japinga.

1 Timoteo 5:13

Shinallataj huasin huasin purishpami, q'uilla tucuncuna. Mana q'uillallapish tucuncunachu, ashtahuanpish parlaricujcuna, maipipish satirijllacuna, mana rimana cashcata rimajcunapishmi tucuncuna.

2 Timoteo 2:6

Chagrajca granota japingapajca allpatarajmi allichin.