Lucas 10:37 - Dios Rimashca Shimicunami

³⁷ Mandashcacunata yachachijca: –Paita llaquishpa ayudaj runari– nijpi, Jesusca: –Canpish chashnallataj ruragri– nirca.

Mushuj Testamento Diospaj Shimi

³⁷ Chashna tapujpi, chai yachachij runaca: —Shuhuacuna macashca runata llaquij runari— nirca. Shina nijpi, Jesusca: —Canpish chashnallataj ruragri— nircami.

Lucas 10:37 Iomraidhean Croise

PROVERBIOS 14:21

Maijanpish shujtajcunata p'iñashpaca, juchatami ruran. Ashtahuanpish huajchacunata llaquijca, cushicuitami japin.

OSEAS 6:6

Animalcunata cushpa huañuchinapaj randica, llaquij cachunmi munani. Animalcunata cushpa tucui rupachinapaj randica, ñucataca Taita Diostaj cashcata entendichunmi munani.

MIQUEAS 6:8

Huañujlla aichayuj runalla, paica canmanca imalla alli cana cashcataca ñamari huillarca. Mandaj Diosca cantaca caillatamari rurachun mañan: “Imatapish cashcata ruraj cachun, c'uyaj cachun, llaquij cachun, cambaj Taita Diospaj ñaupajpi llaquirishpa cazuj cachunmi munan.

Mateo 20:28

Runa Aichayujca, servishca cangapajca mana shamurcachu. Ashtahuanpish servingapaj, paipaj causaita cushpa tucuicunata randishpa cacharichingapajmi shamurca. Puntapi casha nijca Runa aichayuj shinallataj cachun– nircami.

Mateo 23:23

Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Mentata, anista, cominotapish chungamanta shujta cujcunami canguichij. Ashtahuanpish cashcata ruranata, llaquij canata, crinatapish, chai ashtahuan alli Mandashcatarajmari saquishcanguichij. Diosman cunatapish mana saquishpami, chai Mandashcacunataraj rurana carcanguichij.

Lucas 10:36

Chai ñanta ricuj quimsacunamantaca canpica ¿maijantaj pai quiquinta llaquij shinallataj llaquishca yuyachin?– nirca.

Lucas 10:38

Chai q'uipami Jesusca paipaj yachacujcunandij rishpa shuj uchilla llajtaman chayarca. Chaiman chayajpica, Marta shuti huarmimi paipaj huasiman pusharca.

2 Corintios 8:9

Ñucanchijta Mandaj Jesucristo, mana c'uyaipajta c'uyaj cashcataca yachanguichijmi. Paica achcata charij cashpapish, cancunata c'uyashcamantami imata mana charij huajcha tucurca. Pai huajcha tucushcamantami, cancunaca achcata charij tucushcanguichij.

Efesios 5:2

Cristo ñucanchijta c'uyashca shina, c'uyanacushpa purichij. Ñucanchijmantami paillataj curirca. Chaica Diospajca, paiman cushpa rupachishca mishquiman ashnacuj shinami carca.

1 Pedro 2:21

Chashna llaquita apachun cayashcacunami carcanguichij. Cristopish ñucanchijmantaca llaquita aparcami. Pai apashca shinallataj ñucanchijpish llaquita apachunmi chashna tucurca.

Apocalipsis 1:5

Chaitaca ima shina cashcatataj huillaj Jesucristopish cuchun. Paica huañushcacunapaj chaupimanta punta causarijmi, cai pachapi jatun mandajcunatapish jatun mandajmi. Paica ñucanchijta c'uyashpami, paipaj yahuarhuan ñucanchij juchacunata maillarca.