Lucas 10:29 - Dios Rimashca Shimicunami

²⁹ Pai ashtahuan alli ricurisha nishpami chai runaca: –¿Pi shujtajtataj c'uyana cani?– nirca.

Mushuj Testamento Diospaj Shimi

²⁹ Chashna nijpi chai runaca, paillataj alli ricurisha nishpami: —¿Pi shujtajtataj cʼuyana cani?— nirca.

Lucas 10:29 Iomraidhean Croise

JOB 32:2

Chaimantami Rampaj familiapura Buz llajtamanta Baraquel runapaj churi Eliuca Jobhuanca manchanayajta p'iñarirca. Diostapish yalli cashcata ruraj cashca shina ricurijpimi, Jobhuanca yallitaj p'iñarirca.

LEVÍTICO 19:34

Cancunapurata ima shinami c'uyanguichij, chashnallataj paicunatapish c'uyanguichij. Cancunapish Egipto llajtapi cashpaca caru llajtamanta cajcunallatajmi carcanguichij. Ñucami Mandaj Dios cancunapaj Taita Dios cani.

Marcos 8:34

Gentecunatapish, yachacujcunatapish cayashpaca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Lucas 10:36

Chai ñanta ricuj quimsacunamantaca canpica ¿maijantaj pai quiquinta llaquij shinallataj llaquishca yuyachin?– nirca.

Lucas 16:15

Chaimi Jesusca: “Cancunaca runacunapaj ñaupajllapimi, cancunallataj alli ricurishun nijcuna canguichij. Ashtahuanpish Taita Diosca, cancunapaj shungutaca yachanmi. Runacunalla alli nishcacunataca, Taita Diosca mana ricunachinchu” nircami.

Romanos 10:3

Paicuna munashca shinapi justificashca cashun nishpami, Dios justificashca canataca mana yachashun nircacuna. Chashnami Dios justificashca canataca mana cazurcacuna.

Romanos 4:2

Abrahamca, ima allicunata rurashcamanta justificashca cashca cashpaca, jatun tucunmanmi carca. Ashtahuanpish Diospaj ñaupajpica, mana chashna tucunmanchu carca.

Gálatas 3:11

Caitaca ricunallami. Diospaj ñaupajpica, Mandashcata rurashcamantaca pi mana justificashca tucunchu. Ashtahuanpish: “Cashcata rurajca crishcamantami causanga”.

Santiago 2:24

Shina cajpica crishcallamanta mana chasquishcata, ashtahuanpish allicunata rurashcacunamantapish chasquishcataca ñami ricunguichij.