Lucas 10:28 - Dios Rimashca Shimicunami

²⁸ Chaimi Jesusca: –Allitami nishcangui. Chaicunata pajtachishpaca huiñai causaita charinguimi– nirca.

Mushuj Testamento Diospaj Shimi

²⁸ Shina nijpi, Jesusca: —Allitami cutichingui. Chaicunata pajtachishpaca, huiñai causaita charinguimi— nircami.

Lucas 10:28 Iomraidhean Croise

NEHEMÍAS 9:29

Quiquin cushca mandashcaman tigrachunmi rimarcangui. Ashtahuanpish paicunaca jatun tucushcallahuanmi junda tucurcacuna. Quiquin cushca mandashcacunatapish mana uyarcacunachu. Ashtahuanpish cashcata rurashpa mandachun cushca mandashcatapish p'aquishpami juchallircacuna. Chai mandashcacunaca pajtachijcunamanca causaita cunmi. Ashtahuanpish paicunaca quiquinpajta ruranatapish c'ariyashpa ch'ahuanyashpami mana uyarcacuna.

PROVERBIOS 19:16

Mandashcata pajtachijca, quiquin causaitami huaquichin. Ashtahuanpish mana cazushpa causajca, huañungatajmi.

EZEQUIEL 20:11

Chaipimi ñuca quillcachishcacunataca, paicunaman curcani. Ñuca huillachishcacunata chaipi ricuchishpami, caicunata pajtachij runaca causangami nishpa yachachircani.

EZEQUIEL 20:13

Chashna yachachicujpipish, israelcunaca shitashca pambapimi ñucataca mana cazushpa c'ariyarcacuna. Ñuca quillcachishcapi nishca shinatajca mana purircacunachu, ñuca huillachishcacunatapish cungarircacunami. Chaicunata pajtachij runallami causanga. Ñuca cushca sanama punllacunatapish yangatami rurarcacuna. Chaimantami paicunataca p'iñarishpa, shitashca pamballapitaj llaquichishpa tucuchishami nircani.

EZEQUIEL 20:21

Shina nicujpipish, paicunapaj huahuacunaca ñucata mana cazushpami c'ariyarcacuna, ñuca quillcachishcacunapi nishca shinapish mana causarcacunachu, ñuca huillachishcacunatapish mana cazurcacunachu. Chaicunata rurashpa pajtachij runaca causangami. Ñuca samana punllacunatapish yangatami rurarcacuna. Chaimantami shitashca pamballapitaj ñuca p'iñarishpa llaquichisha nicurcani.

LEVÍTICO 18:5

Ñuca chaitataj pajtachichun nishcacunata, mandashcacunatapish pajtachinguichij. Chai mandashcacunata pajtachijcunami causanga. Ñucami Mandaj Dios cani.

Mateo 19:17

Jesusca: –¿Ima nishpataj ñucataca alli ningui? Allica pi mana tiyanchu, shujllami tiyan, chaica Diosmi. Ashtahuanpish huiñai causaiyuj canaman yaicungapajca, Dios mandashcacunata cazui– nircami.

Marcos 12:34

Yachashcata alli yuyarishpa cutichijta ricushpami Jesusca: –Canca, Taita Dios mandacujpica ña yaicunallami cangui– nircami. Jesús chashna nijpica, pi mana ashtahuan tapui tucurcacunachu.

Lucas 7:43

Chaimi Simón fariseoca: –Maijantami yalli debita perdonarca, chaimi yalli c'uyanga yuyanimi– nijpi Jesusca: –Allitamari ningui– nirca.

Romanos 10:4

Mandashcata pajtachijca Cristomi. Tucui paita crijcunataca Dios justificachunmi chashna rurarca.

Romanos 3:19

Ashtahuanpish Mandashca ucupi cajcunataca, tucui ima shina cana cashcata Mandashcallataj yachachicushcatami yachanchij. Tucui cai pachapi causajcunata ima shina cashcata Dios ricuchicuipica, tucuicunallataj shimi mana llujshishpa upalla cachunmi chashna yachachicun.

Romanos 7:10

Causaiman pushaj mandashcallatajmi, ñucataca huañuiman chayachicushca carca.

Gálatas 3:12

Mandashcaca crishcamantaca mana shamunchu, ashtahuanpish: “Mandashcapi nishcacunata pajtachijcunallami causanga” ninmi.

DEUTERONOMIO 6:24

Mandaj Diosca tucui cai mandashcacunata pajtachichuntajmi mandarca. Tucui ñucanchij causaipi Mandaj Dios ñucanchij Taita Diosllata manchashpa causachun ñucanchijpaj allipaj ñucanchij causaita cuidangapaj cunan punlla ima shinami ñucanchijta cuidacun chai shinallataj cuidacungapajllami chashna causachun nirca.