Lucas 10:27 - Dios Rimashca Shimicunami

²⁷ Chaimi chai yachachijca: –Mandaj cambaj Taita Diosta tucui shunguhuan, tucui almahuan, tucui fuerzahuan, tucui yuyaihuan c'uyangui. Can quiquinta shinallataj shujtajcunatapish c'uyangui ninmi– nirca.

Mushuj Testamento Diospaj Shimi

²⁷ Chashna nijpimi, chai yachachijca, cashna nishca tiyacujta huillarca: —“Canta Mandaj Diostaca, cambaj tucui shunguhuan, tucui almahuan, tucui fuerzahuan, tucui yuyaihuan, cʼuyangui. Shujtajcunatapish can quiquinta shinallataj cʼuyangui” ninmi— nirca.

Lucas 10:27 Iomraidhean Croise

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

Mateo 19:19

Cambaj yaya mamata alli ningui. Shujtajcunatapish can quiquinta shinallataj c'uyangui ninmi– nircami.

Lucas 10:26

Jesusca: –Mandashcapica ¿imata quillcashcataj tiyacun, chaitaca ima cashcatataj rezashcanguiyari?– nirca.

Romanos 13:9

Mandashcapica: “Ama huainayangui, ama huañuchingui, ama shuhuangui, ama llullashpa huillangui, shujtajcunapajta ama munangui” ninmi. Ima shujtaj mandashca tiyajpipish: “Quiquin c'uyarij shinallataj shujtajcunatapish c'uyangui” nishcallapimi pajtan.

Gálatas 5:13

Cancunaca huauquicuna, ama huatashca cachun Dios agllashcacunami canguichij. Cacharichishcami canchij nishpaca, ñataj aicha munaita ruranguichijman. Ashtahuanpish c'uyaimantaca, caishujpaj chaishujpaj allita ruraichij.

DEUTERONOMIO 10:12

Cunanca israelcuna Mandaj Diosca caitami mañan: Mandaj Dios cancunapaj Taita Diosta manchachun, paipaj ñancunallapi purichun, tucui almahuan, tucui shunguhuan paita c'uyashpa pai mandashcata rurachunmi Mandaj Dios cancunapaj Taita Diosca mañan.

DEUTERONOMIO 30:6

Mandaj Dios cancunapaj Taita Diosmi, cancunatapish cancunapaj huahua huahuacunatapish shungupi circuncisionta ruranga. Mandaj Dios cancunapaj Taita Diosta tucui shunguhuan, tucui almahuan paillata c'uyashpa causachunmi chashna ruranga.

DEUTERONOMIO 6:4

Israelcuna uyaichij. Mandaj Dios ñucanchij Taita Diosca shujlla Diosmari.

DEUTERONOMIO 6:5

Mandaj Dios cambaj Taita Diostaca tucui shunguhuan, tucui almahuan, tucui fuerzahuan c'uyangui.

Hebreos 8:10

Chai punllacuna q'uipaca, israelcunaman cusha nishpa ari nishcaca cashnami canga. Ñuca mandashcacunataca paicunapaj yuyaipimi churasha, paicunapaj shungupimi quillcasha. Chashna rurashpaca, paicunapaj Diosmi casha, paicunapish ñuca pueblomi cangacuna (ninmi Jatun Diosca)

Santiago 2:8

Quillcachishcapica: “Quiquin c'uyarij shinallataj shujtajcunatapish c'uyangui” nishca tucuita yalli jatun mandashcata pajtachishpatajca, allitami ruranguichij.

1 Juan 3:18

Ñuca huahuacunalla, ama shimillahuan, c'allullahuan c'uyanimi nishunchij. Ashtahuanpish imatapish rurashpataj c'uyashcata ricuchishunchij.