Lucas 10:2 - Dios Rimashca Shimicunami

² Cashna nishpami cacharca: “Granocunata tandanaca achcami, ashtahuanpish tandajcunaca ashallami. Tandajcunata cachachun, Chagrayuj amota mañaichij.

Mushuj Testamento Diospaj Shimi

² Cachacushpaca cashnami nirca: «Tandana chagraca achcamari, tandajcunamari ashalla. Chaimanta, chagrayujtaca ashtahuan tandajcunata cachachun mañaichigari.

Lucas 10:2 Iomraidhean Croise

1 REYES 18:22

Eliasca cutinllatajmi tucui chaipi cajcunataca: –Mandaj Diospaj profetacunamantaca ñucallami saquirishcani. Ashtahuanpish Baalpaj profetacunaca, 450tami tiyan.

SALMOS 68:11

Jatun Diosca huillanatamari curca. Yallitaj achca huarmicunamari alli huillaitaca huillarcacuna.

JEREMÍAS 3:15

Chaipi cancunata michichunca, ñuca shungu munashca michijcunatami churasha. Paicunamari alli yachaihuan, alli yuyaihuan michingacuna” ninmi.

ZACARÍAS 11:17

Canlla ovejata chingachij michijlla ¡aij imachari tucunga! Paipaj rigratapish, alli lado ñahuipish espada chugrichishca cachun. Paipaj rigraca tucuimi chaquiringa, alli lado ñahui lulunpish imata mana ricujmi saquiringa” nircami.

ZACARÍAS 11:5

Randijcuna chai ovejacunata huañuchishpaca, mana allita ruracushcataca mana yuyancunachu. Chai ovejata c'atuj runapish: Mandaj Diosca alli nishca cachun. Ñami achca cullquiyuj cani ninmi. Chai ovejamantaca michijcunallapish manamari llaquincunachu.

NÚMEROS 11:17

Chaipi uriyamushpa ñuca canhuan rimashpami, canpi tiyaj Espirituta japishpa paicunapi ñuca churasha. Israelcuna llaquichishca cargata canhuan apachunmi chashna rurasha. Chaipica ña mana canlla apanguichu.

NÚMEROS 11:29

Chaimi Moisesca: –¿Canca Dios huillachishcata huillajca ñucalla cachun nishpachu huañuricungui? Tucui israelcuna Mandaj Dios huillachishcata huillaj cashpapish allichari canman. Mandaj Diosca tucui paicunapaj jahuapipish paipaj Espirituta churashpachari alli canman– nircami.

Mateo 20:1

Jahua pachamanta mandacunca, chagrayuj shuj runa paipaj chagrapi uvascunata pallachun mashcanaman utca llujshij shinami.

Marcos 13:34

Tucui chashna tucunaca shuj runa huasita saquishpa, caru llajtata rij shinami. Chai runaca paipajta rurajcunataca, ch'ican ch'ican ruranacunata rurachun mandashpami saquin. Shinallataj pungupi cuidajtapish alli chaparacungui nishpami saquin.

Marcos 16:15

Cashnapishmi nirca: –Alli huillaita tucuicunaman huillangapaj tucui cai pachata richij.

Marcos 16:20

Yachacujcuna chaimanta rishpaca, tucui llajtacunapimi huillarcacuna. Chashna huillacujpica Mandaj Jesusmi paicunataca ayudarca. Milagrocunata rurachishpami paicuna huillacushcaca Jesusllataj huillachicushca cashcata ricuchirca. Chashna cachun.

Lucas 9:1

Jesusca chunga ishqui yachacujcunata tandachishpami, tucui laya supaicunata llujshichi tucunata, ungushcacunata alliyachi tucuna podertapish curca.

Hechos 11:19

Estebanta huañuchishpaca, caishuj crijcunatapish llaquina yuyailla llaquichishpa catijpimi, caita chaita rircacuna. Paicunaca Feniciaman, Chipreman, Antioquiacamami rircacuna. Paicuna chai llajtacunaman rishpaca shujtajcunamanca alli huillaitaca mana huillashpa, judiocunallamanmi huillarcacuna.

Hechos 13:2

Shuj punlla paicuna ayunashpa Jatun Diosta mañacujpimi, jucha illaj Espirituca: “Bernabeta Saulotaca ñucapajta ruraj cachunmi ña cayarcani. Chaimanta paicunataca ñucapajta ruranata callarichun ch'icanchichij” nirca.

Hechos 13:4

Paicunaca jucha illaj Espíritu cachajpimi, Seleucia puebloman rircacuna. Chaimantami Chipremanca barcopi rircacuna.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

Hechos 22:21

Chashna nijpimi Jesusca: “Ri, ñucami cantaca caru llajtacunapi caj mana judiocunapajman cachagrini” nircami nishpami parlarca.

Hechos 8:4

Llaquichijpi Jesrusalenmanta caita chaita rijcunaca, maita rishpapish alli huillaita huillashpami rircacuna.

1 Corintios 12:28

Diosca, tandanacushca crijcunapica puntaca apostolcunata, chai q'uipaca profetacunata, ishquipaj q'uipaca yachachijcunata, chaipaj q'uipaca milagrocunata rurajcunata, chaipaj q'uipaca alliyachijcunata, ayudajcunata, mingashcata alli apajcunata, shujtaj rimaita rimai tucujcunatapishmi churarca.

1 Corintios 15:10

Ashtahuanpish Diospaj mana c'uyaipaj c'uyaimantaca ima shinami cani, chaimi cani. Diospaj mana c'uyaipajta c'uyaica, ñucapajca mana yanga cashcachu. Ashtahuanpish ñucaca, tucui caishujcunata yallimi trabajashcani. Chaitaca mana ñucallatajchu, ashtahuanpish Diospaj mana c'uyaipajta c'uyai ñucahuan cashpami chashna rurachishca.

2 Corintios 6:1

Ñucanchijca Diospajta paillahuantaj rurajcuna cashpami, Dios mana c'uyaipajta c'uyashcataca, ama yanga chasquishca caichijchu nishpa cunanchij.

Filipenses 2:21

Tucuicunami paicunapaj allipajlla mashcancuna, Cristo Jesuspajca mana yuyancunachu.

Filipenses 2:25

Chashna yuyacushpapish Epafroditota cancunapajman ña cachanami, ñucapajca allitaj yuyachirca. Paica ñucata ayudaj, alli huillanapi tandalla macanacuj ñuca huauquimi. Paitami cancunaca ñucapaj ima illashcacunata ayudachun cachashca carcanguichij.

Filipenses 2:30

Paica Cristopajta ruracushcamantaca huañunallami carca. Cancuna ñucaman mana servi tucujpimi, paipaj aicha ungüi tucushpapish cancunapaj randi servirca.

Colosenses 1:29

Chaipajca Cristo ima shina fuerzata cushcahuanmi macanacucuj shina trabajacuni. Chai fuerzami ñucapica poderhuan rurachicun.

Colosenses 4:12

Cancunapuramanta Cristopajta ruraj Epafraspish, alli cashca cachun ninmi. Paica cancuna tucuipi Taita Dios munashca shina pajtachijcuna, allicunataj, sinchicuna cachunmi Diosta pai mañanapica, mana shaicushpa rogacunlla.

1 Tesalonicenses 2:9

Huauquicuna, ñucanchij shaicuita trabajashcataca yuyaringuichijmi. Cancunamanta maijanta ama yalli p'iñachingapajca tutapish, punllapish trabajashpami Taita Diospaj alli huillaitaca cancunaman huillarcanchij.

1 Tesalonicenses 5:12

Huauquicuna, yachachishpa, cunashpa cancunapurapi Mandaj Jesusmanta trabajajcunataca alli cazuichij ninchijmi.

2 Tesalonicenses 3:1

Chaimanta huauquicuna, Mandaj Jesuspaj shimica cancunapurapi ima shina tucushca shinallataj shujtaj llajtacunapipish utca yachaj chayachijpi, alli nishca cachun ñucanchijmanta Taita Diosta mañaichij.

1 Timoteo 4:10

Causaj Taita Diospi shunguta churashca cashpami, mana alli nishpa rimajpipish llaquita apashpa trabajacunchijlla. Paica tucuicunata quishpichijmi, paipi crijcunatami Quishpichin.

2 Timoteo 4:5

Ashtahuanpish canca, tucuipi alli yuyaiyuj cai. Llaquicunatapish apai, alli huillaita huillashpa can rurana cashcataca pajtachi.

Filemón 1:1

Jesucristomanta prezu caj Pablo, huauqui Timoteondijmi, ñucanchijta ayudaj c'uyashca Filemonman quillcanchij.

Hebreos 3:6

Ashtahuanpish Cristoca, Diospaj Churi cashpami, Diospaj huasi ucupurataca tucuita mandacun. Chaimanta tucuringacama sinchi, chai yuyailla cushicuihuan catishpaca, chai huasica ñucanchijmi canchij.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin: