Lucas 10:19 - Dios Rimashca Shimicunami

¹⁹ Cancunamanca culebracunata, escorpioncunata saruna poderta, p'iñaj diablota cazuchina podertami cuni. Chaimanta cancunataca imata mana rurai tucungachu.

Mushuj Testamento Diospaj Shimi

¹⁹ Ñucamari cancunamanca culebracunata, alacrancunata sarui tucunata curcani. Cancunata pʼiñaj diablotapish caźuchi tucunatami curcani. Chaimanta cancunataca, ima mana llaquichi tucungachu.

Lucas 10:19 Iomraidhean Croise

2 CRÓNICAS 10:11

Ñuca yaya llashaj yugota apachishca cajpica, ñucacarin cancunamanca ashtahuan yalli llashaj yugotami apachisha. Ñuca yaya cancunata azotishca cajpica, ñucacarin escorpioncunahuanmi llaquichisha ninguiyari– nircacunami.

SALMOS 91:13

Leonpaj jahuapipish, víbora culebrapaj jahuapipish canmi sarungui. Malta leontapish, dragontapish canmi huañuchingui.

ISAÍAS 11:8

Chuchucuj huahuaca cobra culebrapaj jutcupimi pugllanga. Cunanlla raquishca huahuaca víbora culebrapaj tazinta maquihuan japingallami.

EZEQUIEL 2:6

Huañujlla aichayuj runalla, canca paicunataca ama manchangui, paicuna rimajpipish ama mancharingui. Zarza casha yuracuna chaupipi cashpapish, casha chaupipi cashpapish, escorpioncunapaj chaupipi causashpapish ama manchanguichu. Paicuna rimajpipish, paicunata ricushpapish ama mancharingui. Paicunaca mana cazujcunami.

Marcos 16:18

Culebracunata maquihuan japijpipish, ima huañuipajta ubyajpipish imata mana rurangachu. Ashtahuanpish ungushcacunapaj jahuapi maquita churashpa alliyachingacunami– nircami.

Lucas 11:12

Shinallataj lulunta mañajpica ¿escorpiontachu cunguichijman?

Hechos 28:5

Ashtahuanpish Pabloca chai culebrata paipaj maquimanta ninapi chaspishpa shitashpaca, imapish mana tucurcachu.

Romanos 16:20

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

Apocalipsis 11:5

Paicunata maijan llaquichisha nijpica, paicunapaj shimimanta nina llujshishpami, paicunata p'iñajcunataca rupachishpa chingachinga. Maijanpish llaquichisha nijca, chai shinallatajmi huañunga.