Lucas 10:18 - Dios Rimashca Shimicunami

¹⁸ Chaimi Jesusca cashna nirca: –Satanastaca, jahua pachamanta rayo shina urmajtami ñucaca ricurcani.

Mushuj Testamento Diospaj Shimi

¹⁸ Chashna nijpi Jesusca, cashnami nirca: —Ari, Ñucaca Satanastaca relampa shina jahuamanta urmajtatajmari ricurcani.

Lucas 10:18 Iomraidhean Croise

ISAÍAS 14:12

Achij nicuj pacari luzerolla, ¿ima nishpataj jahua pachamantaca urmarcanguiyari? Allpa pachaman shitashcami carcangui. Llajtacunata huajllichijmi carcangui.

Mateo 4:10

Shina nijpi Jesusca: –Anchui, Satanás. Quillcachishcapica: “Mandaj cambaj Jatun Diosllata adorangui, paipajllata rurangui” ninmi– nijpimi,

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.

Apocalipsis 9:1

Chuscupaj q'uipa ángel trompetapi tocajpica, cielomanta shuj luzero allpa pachaman urmajtami ricurcani. Paimanca ucujta jutcupaj pungu llavetami curca.