Lucas 10:16 - Dios Rimashca Shimicunami

¹⁶ Cancunata uyajca ñucatami uyan, cancunata p'iñajca ñucatami p'iñan. Ñucata p'iñajca, ñucata cachajtapishmi p'iñan” nircami.

Mushuj Testamento Diospaj Shimi

¹⁶ Maijan cancunata uyajca, Ñucatami uyan. Cancunata pʼiñajca, Ñucatami pʼiñan. Ñucata pʼiñajca, mana Ñucallatachu pʼiñan, Ñucata cachaj Yayatatajmi pʼiñan» nircami.

Lucas 10:16 Iomraidhean Croise

ÉXODO 16:7

Mandaj Diosca cancuna paita juchachishpa rimacushcatami uyashca. Cunan pacarijpica Mandaj Dios tucuita rurai tucuj cashcatami ricunguichij. Shina cajpica ñucanchijca ¿imataj canchigari cancuna juchachishpa rimachunca?– nircami.

ÉXODO 16:8

Moisesca cashnapishmi nirca: –Mandaj Diosca chishicunataca, aichatami cancuna micuchun cugrin. Tutamantacunataca, mana nijta micuchunmi tandata cugrin. Mandaj Diosca cancuna paita juchachishpa rimashcatami uyashca. Cancunaca mana ñucanchijtachu juchachishpa rimashcanguichij. Ashtahuanpish Mandaj Diostamari juchachishpa rimashcanguichij. Shina cajpica ñucanchijca ¿imapish mana canchijchu?– nircami.

MALAQUÍAS 1:6

Curacuna, tucuita Mandaj Diosca cashnami nin: “Huahuaca, paipaj yayataca cazunmi. Servij runapish, paipaj amo ima mandashcata ruranmi. Ñuca cancunapaj yaya cajpica, ¿ima nishpataj mana cazunguichigari? Ñuca cancunapaj amo cajpica, ¿ima nishpataj ñuca mandashcataca mana ruranguichigari? Cancunaca ñuca shutita yangapi churashca jahuamari: ¿Ima shinataj cambaj shutitaca yangapi churarcanchigari? ninguichij.

NÚMEROS 14:11

Chaipimi Mandaj Diosca, Moisestaca cashna nirca: –Cai israelcunaca ¿maicamataj ñucataca p'iñachicungallari? Paicunapaj chaupipi cai tucui señalcunata rurajpipish ¿maicamataj ñucataca mana cringacunari?

NÚMEROS 14:2

Tucui israelcunami Moisestapish, Aarontapish juchachishpa tucuicuna cashna nircacuna: “¡Egiptopi huañushca cashparajchari alli canchijman carca! ¡Cai shitashca pambapi huañushparajchari alli canchijman!

NÚMEROS 16:11

Aaronca ¿pi cajpitaj juchachishpa rimanguichigari? Ashtahuanpish canpish, canhuan tucushpa jatarijcunapish Mandaj Diostamari p'iñashpa rimanguichij– nircami.

Mateo 10:40

Maijanpish cancunata chasquishpaca, ñucatami chasquin. Ñucata chasquijca, ñucata cachajtami chasquin.

Mateo 18:5

Maijanpish cai huahua shina caj ñuca Shutipi shamujta chasquijca, ñucatami chasquin nircami.

Marcos 9:37

–Maijanpish cai huahua shina caj ñuca Shutipi shamujta chasquijca, ñucatami chasquin. Ñucata chasquijca mana ñucallatachu chasquin, ashtahuanpish ñucata cachajtapishmari chasquin– nirca.

Lucas 9:48

cashna nirca: –Maijanpish ñuca shutipi cai huahuata chasquijca, ñucatami chasquin. Maijanpish ñucata chasquijca, ñucata cachajtami chasquin. Cancunapurapi maijanpish tucuicunamanta yalli uchilla cajmi, tucuicunata yalli jatun canga– nircami.

Juan 12:44

Jesusca caparishpami cashna nirca: “Pipish ñucata crijca, mana ñucallatachu crin, ñucata cachajtapishmi crin.

Juan 12:48

Pipish ñucata p'iñashpa mana ricunachishpa, ñuca rimashcacunata mana chasquijca, pai ima shina cashcata ricuchijtami charin. Cai ñuca huillashca Shimimi, tucuri punllapica pai ima shina cashcataca ricuchinga.

Juan 13:20

Pipish ñuca cachashcata chasquijca, ñucatami chasquin. Pipish ñucata chasquijca, ñucata cachajtami chasquin. Chaica chashnatajmi– nircami.

Hechos 5:4

Allpaca ¿manachu cambaj carca? C'atujpipish cullquica ¿manachu cambaj maquipi carca? ¿Ima nishpataj cambaj shungupi chashna millaita ruranata yuyarircangui? Mana runacunamanchu llullarcangui, Taita Diosmanmi llullarcangui– nircami.

Gálatas 4:14

Ñuca cuerpopi ungushca pruebahuan cajpipish mana yanganchircanguichijchu, mana p'iñarcanguichijchu. Chaipaj randica, Diospaj angelta shina, Cristo Jesusta shinami chasquircanguichij.

1 Tesalonicenses 4:8

Maijanpish cai yachachishcata mana uyasha nijca, mana runallatachu mana uyasha nin. Ashtahuanpish jucha illaj Espirituta cuj Taita Diostamari mana uyasha nin.