Lucas 10:14 - Dios Rimashca Shimicunami

¹⁴ Imalla rurashcata Taita Dios ricuchi punllapica, cancunataca Tiropi, Sidonpi causajcunata yallimi jatunta llaquichinga.

Mushuj Testamento Diospaj Shimi

¹⁴ Cancunata Dios llaquichi punllapica, cancunatamari Tiropi, Sidonpi causajcunata yalli llaquichinga.

Lucas 10:14 Iomraidhean Croise

JOEL 3:4

Tiro pueblolla, Sidón pueblolla, Filistea llajtalla, ñucaca cancunataca ¿imatataj rurashcaniyari? ¿Ñucatachu llaquichisha yuyanguichij imamí? Chashna yuyashcamantaca, ñallami cancuna japina cashcataca cugrini.

AMÓS 1:9

Mandaj Diosca cashnapishmi nin: “Tiro pueblopi causajcunaca, cutin cutin millaita ruracujllapica, paicunata llaquichinataca manataj saquishachu. Paicunaca shuj pueblopi causajcunataca, Edom llajtapi huatashca shina causachunmi prezu cacharcacuna. Quiquin huauquindijpura shina ari ninacushcataca mana yuyarishpami, chashna rurancuna.

AMÓS 3:2

“Tucui cai pachapi causajcunapuramantaca, cancunallatami ñucapajlla causachun agllarcani. Chashna agllashca jahua yallitaj millaita rurashcamantami, cancunataca llaquichishataj” ninmi.

Mateo 10:15

Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mateo 11:21

“Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari mana allita ruracushcata saquishcata ricuchingapaj cañamazuta churarishpa, ushpata shitarinman carcacuna.

Juan 3:19

Luzca cai pachamanmi shamurca. Cai pachapi causajcunaca paicunapaj rurashcacuna millai cashcamantami luztaca p'iñashpa amsata munarcacuna. Chashnami jatun llaquiman rina cashcata ricuchircacuna.

Romanos 2:1

Chaimanta canca, pi cashpapish shujtajta juchachishpaca, canpish juchachicushca shinallataj ruraj cashcamantaca, ñucaca allimi cani mana ni tucunguichu. Cambaj llaquipajllatajmi chashna juchachingui.

Romanos 2:27

Aichapi circuncisionta mana rurashca cashpapish, Mandashcata allitaj pajtachijca, canca Quillcashca Mandashcata charishpapish, circuncisionta rurashca cashpapish, Mandashcata p'aquijpica, pairajmi cantaca mana allichu cangui nishpa llaquichinga.