Lucas 10:12 - Dios Rimashca Shimicunami

¹² Chai pueblopi causajcunata Taita Dios llaquichi punllapica, Sodoma llajtapi causajcunata llaquichishcata yallimi llaquichinga. Chashnatajmi canga.

Mushuj Testamento Diospaj Shimi

¹² Ñucatajmi caita huillani, Dios llaquichina punllapica, Sodoma pueblotapish yallitami llaquichinga.

Lucas 10:12 Iomraidhean Croise

GÉNESIS 19:24

Chai q'uipami Mandaj Diosca Sodoma, Gomorra pueblocunapica azufrehuan rupacuj ninata jahua pachamanta tamyachirca.

LAMENTACIONES 4:6

Ñuca aillupuracunallatajmari, Sodoma pueblopi causajcunapaj juchata yalli, millaita rurarcacuna. Chai puebloca, macanacunaman manapish pi shayarijpi ñapish chingarircallami.

Mateo 10:15

Mana chasquisha nij pueblocunapajca, imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga.

Mateo 11:24

Chaimantami cancunaman huillani: Imalla rurashcata Taita Dios ricuchi punllapica, cancunataca Sodomapi causajcunata yallimi jatunta llaquichinga” nircami.

Marcos 6:11

Maipi cashpapish cancunata mana chasquisha nishpa, huillashcatapish mana uyashun nijpica, paicuna llaquita apana cashcata ricuchingapajca cancunapaj chaquimanta ñutu allpatapish chaspishpa chaimanta llujshishpa ringuichijlla. Imalla rurashcata Taita Dios ricuchi punllapica Sodoma, Gomorra llajtacunapi causajcunapajta yalli mana apaipaj llaquimi canga. Chashnatajmi canga– nircami.