Lucas 10:10 - Dios Rimashca Shimicunami

¹⁰ Mai puebloman yaicujpi cancunata mana chasquijpica, ñanman llujshishpaca cashna ninguichij:

Mushuj Testamento Diospaj Shimi

¹⁰ Mai puebloman cancuna yaicujpi mana chasquijpica, ñancunaman llujshishpa cashna ninguichij:

Lucas 10:10 Iomraidhean Croise

EZEQUIEL 2:5

Paicuna uyachun, mana uyachunpish huillanguilla. Paicunaca mana cazujcunami. Chashna cashpapish can huillajpimi, paicunapurapica shuj huillaj tiyashcataca yachangacuna.

Mateo 10:14

Maijan huasipi cashpa, pueblopi cashpapish cancunata mana chasquisha nishpa, huillashcatapish mana uyashun nijpica, cancunapaj chaquimanta ñutu allpatapish chaspishpa chaimanta llujshishpa ringuichijlla.

Lucas 10:11

“¡Cancunapaj pueblopi cajpi ñucanchij chaquipi ñutu allpa japirishcatapish, cancuna llaqui tucuna cashcata ricuchishpami caillapitaj chaspinchij! Ashtahuanpish caitaca yuyaripanguichij: Taita Dios mandanaca cancunapaj c'uchullapimi carca” ninguichij.

Lucas 10:9

Chaipi ungushcacuna tiyajpi, alliyachishpaca: “Cancunata Taita Dios mandanamari ña c'uchuyamushca” nishpa huillanguichij.

Lucas 9:5

Maipi cashpapish cancunata mana chasquishun nijpica, chai pueblomanta llujshingapajca, paicuna llaquita apana cashcata ricuchingapaj cancunapaj chaquimanta ñutu allpatapish chaspishpa chaimanta llujshishpa ringuichijlla– nircami.

Hechos 13:51

Paicunaca chai llajtapi causajcunataca mana alli cashcata ricuchishpami, chaquipi japirishca ñutu allpatapish chaspishpa, Iconio puebloman rircacuna.

Hechos 18:6

Ashtahuanpish judiocunaca p'iñarishpami mana alli shimicunata rimashpa c'amircacuna. Chaimi Pabloca pai huillashcata mana uyashun nishcata ricuchingapaj churanata chaspishpaca: –Cancunapaj juchacunamanta Taita Dios llaquichijpica cancunapaj jahuallatajmi canga. Ñucataca imata mana juchachi tucunguichijchu. Ñucaca tucui imalla huillana cashcataca huillarcanimi. Cunanca mana judiocunapajmanmi rigrini– nirca.