Lucas 10:1 - Dios Rimashca Shimicunami

¹ Chaipaj q'uipami Mandaj Jesusca, shujtaj canchis chungacunatapish agllarca. Paicunataca pai maillaman rina cashca pueblocunamanmi ishqui ishquita ñaupachishpa cacharca.

Mushuj Testamento Diospaj Shimi

¹ Chai qʼuipami Apunchij Jesusca, Pai maillaman rina cashca pueblocunapi, aillu llajtacunapi ñaupashpa huillagrichun, canchis chunga yachacujcunata ishquipura, ishquipurata cacharca.

Lucas 10:1 Iomraidhean Croise

EZEQUIEL 8:11

Chaicunapaj ñaupajpica, israelcunapuramanta canchis chunga cunaj yuyajcunami carca. Chai cunaj yuyajcunapaj chaupipica, Safanpaj churi Jaazaniaspishmi carca. Paicunaca tucuicunami quiquin maquipi inciensota rupachinata charicurcacuna. Chaimantaca achca incienso cushnimi jahuata huichiyarca.

NÚMEROS 11:16

Chaimi Mandaj Diosca, Moisestaca: –Israelcunata cunaj yuyajcunapuramanta canchis chungata tandachi. Paicunataca alli cunajcunata, alli pushajcunata canmi yachangui, chaicunata tandachi. Paicunataca Dioshuan tupanacuna carpa huasi punguman pushamushpa chaipi candij shuyanguichij.

Lucas 1:17

Juanca Eliaspaj espirituhuan, Elías charishca poderllahuantajmi Quishpichijta ñaupashpa ringa. Yayacunapaj shungutaca, huahuacunata c'uyaj cachun tigrachingapaj, mana cazujcunatapish, cashcata rurajcuna shina cachun rurangapajmi chashna canga. Gentecunataca Mandaj Jesusta chasquinallata rurangapajmi chashna canga– nircami.

Lucas 1:76

Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Lucas 7:13

Mandaj Jesusca chai viudata ricushpa llaquishpami: –Ama huacaichu– nirca.

Lucas 7:19

“¿Canchu chai shamuna cashcaca cangui, mana cashpaca shujtajtachu shuyana canchij?” nishpa tapugrichun Jesuspajman cacharca.

Lucas 9:52

Chaimi huillajcunata ñaupachishpa cacharca. Paicuna rishpaca samaritanocuna causan shuj uchilla llajtamanmi, pozadata mashcangapaj rircacuna.