Lucas 1:79 - Dios Rimashca Shimicunami

⁷⁹ Huañuna manchaihuan amsapi causacujcunapica achijyachichunmi luzta churanga. Ñucanchijtaca sumaj causaipimi punllanta pushanga” nircami.

Mushuj Testamento Diospaj Shimi

⁷⁹ Paica amsa tutapi huañunalla causajcunata achijyachingapaj, ñucanchijta sumaj causaipi churangapaj shamushcatami huillangui» nircami.

Lucas 1:79 Iomraidhean Croise

JOB 10:22

Imapish mana allichishca tiyaj, huañuna amsa pachaman, chaipi tiyaj achijpish manchanana amsallataj caj pachamanca amaraj cachahuaichu nircami.

JOB 3:5

Huañuna amsa tucushpa, mana alli punlla cajpichari. Llandulla punllapi shina yana p'uyu tapashpa, manchanana amsata rurajpichari.

SALMOS 107:10

Maijancunaca amsapimi causarcacuna. Huañunalla amsapimi causarcacuna. Cadenacunahuan huatashca, llaquinayajtami prezu causacurcacuna.

SALMOS 107:14

Amsamantami llujshichirca. Huañunalla amsamantami llujshichirca. Huatashcacunatapish p'itircami.

SALMOS 23:4

Quiquinca ñucahuanmi cangui. Chaimanta huañunalla amsa pugru pambacunata puricushpapish ima llaqui japinata mana manchashachu. Quiquinpaj varahuan, quiquinpaj taunahuanca mana shaicushachu.

SALMOS 25:12

¿Pishi Mandaj Diosta manchaj runaca? Paita manchajtaca maijan ñanta agllanatami yachachin.

SALMOS 44:19

¿Ima nishpataj chacalcuna causanaman shitanguiyari? ¿Ima nishpataj huañunalla amsahuan tapanguiyari?

PROVERBIOS 3:17

Paipaj ñancunaca, cushicushpa purina ñancunami. Pai cushca causaipish sumajmari.

PROVERBIOS 8:20

Ñucaca cashcata rurashpa, alli yuyaihuan causana ñancunallatami pushasha.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

ISAÍAS 42:7

Mana ricujcunapaj ñahuita pascachunmi churasha. Carcelmanta prezucunata llujshichichunmi churasha. Prezuna huasicunapi causacujcunata, amsapi causacujcunata llujshichichunmi churasha.

ISAÍAS 48:17

Mandaj Dios canta Quishpichij, Israelpaj jucha illaj Diosca cashnami nin: “Ñucaca Mandaj Diosmi cani. Cambaj allipaj yachachij cambaj Diosmi cani. Can catina ñanta yachachij Diosmi cani.

ISAÍAS 48:22

Mandaj Jatun Diosca: “Millaicunapajca sumaj causai mana tiyanchu” nishcami.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 49:9

prezupi cajcunatapish llujshichij nichun, amsapi cajcunatapish achijman llujshichij nichunmi cantaca cachasha. Paicunaca tucui ñancunapimi michinacunata charingacuna. Mai urcucunapi cashpapish, paicunapaj animalcunapajca alli micunatami charingacuna.

ISAÍAS 59:8

Sumaj causana ñantaca mana rijsircacunachu. Cashcata ruranaca paicunapaj ñanpica mana tiyanchu. Paicunapaj chaqui ñancunaca huishtumi. Maijanpish chai ñanta purijca sumaj causaitaca mana rijsingachu.

ISAÍAS 9:2

Amsapi purijcunaca jatun luztami ricurcacuna. Huañunalla amsapi cajcunataca luzmi lamyachirca.

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 6:16

Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 12:46

Ñucaca achijyachij luz cashpami, achijyachingapaj cai pachamanca shamurcani. Pipish ñucata crijca, ña mana amsapi cangachu.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Juan 9:5

Ñuca cai pachapi cashparajca, cai pachapi causajcunata achijyachij luzmi cani– nircami.

Hechos 10:36

Taita Diosca shuj huillanatami israelcunamanca cacharca. Chaica Jesucristomanta sumaj causaita charina cashcata huillanami. Paica tucuicunata Mandajmi.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Romanos 3:17

Sumajta causana ñantaca mana rijsircacunachu.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.