Lucas 1:78 - Dios Rimashca Shimicunami

⁷⁸ Diosca ñucanchijtaca achcata c'uyashpami tutamantapi inti llujshishpa achijyachij shina jahua pachamanta Quishpichijta cachashca.

Mushuj Testamento Diospaj Shimi

⁷⁸ Ñucanchij Diosca ñucanchijta yallitaj llaquishpami, jahua pachamantaca, pacarishpa achijyaj shina shamunga.

Lucas 1:78 Iomraidhean Croise

SALMOS 25:6

Mandaj Dioslla quiquinca c'uyaj cashcata, llaquij cashcata yuyaripayari. Quiquinpaj c'uyaj canaca, quiquinpaj llaquij canaca huiñaipajmari.

ISAÍAS 11:1

Yaya Isaipaj troncomantaca shuj yurami huiñanga. Paipaj sapicunamantaca mushuj yurami retoñanga.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

ISAÍAS 63:15

Jahua pachamanta ricuyari. Can causana jucha illaj sumaj huasimanta cushicushpa ricuyari. ¿Cambaj rupaj shunguhuan, tucuita rurai tucuj canahuan c'uyaica maipitagari? ¿Ñucanchijta c'uyaj, llaquij canaca quiquinpica ñachu mana tiyan?

ISAÍAS 63:7

Mandaj Diospaj jatun c'uyaitami yuyarisha. Mandaj Diosta alabana cashcatami yuyarisha. Mandaj Dios ñucanchijpaj ima shinalla rurashca shinallatajmi yuyarisha. Mandaj Diosca yallitaj c'uyaj cashpa israelcunapaj huahua huahuacunapaj yallitaj jatun allicunata rurashcatami yuyarisha. Pai ima shina c'uyaj cashca shina rurashcatami yuyarisha. Pai ima shina yallitaj llaquij cashca shinallatajmi yuyarisha.

ZACARÍAS 3:8

Curacunata mandaj Josué, cunanca alli uyapangui. Canpish, cambaj ñaupajpi tiyacuj runacunapish yuyarina runacunami canguichij. Riqui, ñucata servijtaca, Retoñacuj yurata shinami apamuni.

ZACARÍAS 6:12

Chai q'uipaca, cashna ningui: Tucuita Mandaj Diosca cashnami nin: Retoñacuj yura shuti runaca, ñallami shamunga. Paica, quiquin sapillamantatajmi huiñanga. Paimi Mandaj Diospaj huasitaca shayachinga.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

NÚMEROS 24:17

Imalla tucunataca ricunimari. Chaica mana cunan punllachu chashna tucunga. Shamuj punllapi imalla tucunataca ashallatamari ricuni. Chaica caimi: Jacobmantaca LUZEROMI llujshinga. Israelmantaca mandana varami llujshinga. Moabtaca rinrin jahuanijllapimi chugrichinga. Setpaj huahua huahuacunataca tucuimi chingachinga.

Juan 3:16

Taita Diosca, cai pachapi causajcunataca yallitaj c'uyashpami, paipaj shujlla Churita cacharca. Pipish paita crijca ama chingarishpa, ashtahuanpish huiñai causaita charichunmi cacharca.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

Filipenses 1:8

Jesucristopaj c'uyaihuan ñuca tucui shunguhuan, tucui cancunata ñuca ima shina c'uyacushcataca, Diosca ricucunmi.

Filipenses 2:1

Chaimanta, Cristomanta cushicuna, c'uyaihuan animachina, Espiritumanta shuj yuyailla cana, ucu shungumanta c'uyanacuna, llaquij canapish tiyajpica,

Colosenses 3:12

Dios agllashca jucha illajcuna, pai c'uyashcacuna cashcamanta shungumanta llaquij canata, cuj canata, mana jatun tucushca canata, manso shungu canata, mana p'iñarij canata churarichij.

2 Pedro 1:19

Chaicunataca profetacunaman Quillcachishcacunami chashnataj cashcata huillan. Chaicunataca amsata nina sindi achijyachijta alli ricuraj shina ricurashpaca, allitami ruranguichij. Pacari luzero punllayachij shina cancunapaj shunguta achijyachingacamami chashna rurana canguichij.

1 Juan 3:17

Ashtahuanpish cai pachapaj charinacunata charishpapish, maijan huauqui ima illajlla cajta ricushpapish, paipaj shungupi mitsashpa mana cujca, Diospaj c'uyaitaca mana charinchu.

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.