Lucas 1:76 - Dios Rimashca Shimicunami

⁷⁶ Shinallataj can huahuituca, jahua pachapi caj Diospaj profeta nishcami cangui. Canmari Quishpichij purina ñanta allichishpa ñaupashpa ringui.

Mushuj Testamento Diospaj Shimi

⁷⁶ Ñuca huahua, canca jahua pacha Dios ima nishcata huillaj nishcami cangui. Canmari Mandaj Dios purina ñanta allichingapaj, Paita ñaupashpa ringui.

Lucas 1:76 Iomraidhean Croise

SALMOS 87:5

Sionmantaca cashnami ningacuna: “Caipish, chaipish chai pueblopi huacharishcacunami” ningacunami. Jahua pacha Taita Diosllatajmi chai pueblotaca sinchita churanga.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

MALAQUÍAS 4:5

Riquichij, Mandaj Dios llaquichingapaj shamuna jatun llaqui punllacuna manaraj shamujpimi, ñuca ima nishcata huillaj Eliastaca cancunapajman cachani.

Mateo 14:5

Chaimi Herodesca Juantaca huañuchisha yuyacurca. Ashtahuanpish Juantaca israelcunaca profetami nijcuna cashcamantami, paicunata manchashcamanta mana huañuchi tucurca.

Mateo 21:26

Runacunallami Juantaca cacharca ninatapish mana ni tucunchijchu nircacunami. Tucuicuna Juantaca profeta cashcata ninacucushcamanta paicunata manchashcamantami imata mana ni– tucurcacuna.

Mateo 3:11

Mana allita ruracushcata saquishpa cutirijpi, yacupi bautizajllami ñucaca cani. Chaica chashnatajmi. Ashtahuanpish ñucapaj q'uipa shamujmi Espiritupi, ninapi bautizanga. Paica ñucata yalli tucuita rurai tucujmi. Chaimantami paipaj pargatellatapish mana pascaipaj cani.

Mateo 3:3

Profeta Isaías huillashpaca, Juanmantami cashna nishca: “Shitashca pambapi caparijca: “¡Jatun Diospaj ñanta allichichij. Cancunapaj ñancunatapish allichichij!” ningami” nishcami.

Marcos 11:32

“Shinallataj Juantaca Taita Dios cachashca huillajtaj cashcata tucuicuna yachashcamantami, runacunalla cachashcami nishpapish mana ni tucunchijchu” ninacurcacuna.

Lucas 1:32

Paica jatun nishcami canga. Jahua pachapi caj Jatun Diospaj Churi nishcami canga. Mandaj Diosca, Davidpaj jatun tiyarinatami paimanca cunga.

Lucas 1:35

Shina nijpi angelca: –Jucha illaj Espiritumi cambaj jahuaman shamunga. Tucuipaj jahuapi caj Diosmi paipaj poderhuan llandunga. Chaimantami Jucha Illaj huacharigrij Huahuaca, Diospaj Churi nishcapish canga.

Lucas 6:35

Ashtahuanpish cancunata p'iñajcunata c'uyashpa, paicunapaj allita ruraichij. Imata mañachishpaca chaimanta imata japinataca ama yuyaichijchu. Cancuna japinaca tucuimanta alli jatunmi. Jahua pachapi caj Taita Diospaj huahuacunami canguichij. Taita Diosca mana pagui nijcunatapish, mana allicunatapish llaquijmi.

Juan 1:23

Chaimi Juanca: –Profeta Isaiasca shitashca pambapica: “Jatun Diospaj shamuna ñanta allichichij nishpami shuj runa caparicun” nishcami. Ñucaca chaimari cani– nircami.

Juan 1:27

Paica ñucapaj q'uipa shamushpapish ñucata yalli jatunmari. Chaimanta paipaj pargate huatashcallatapish mana pascaipajmi cani– nircami.

Juan 3:28

“Ñucaca mana Cristochu cani. Paita ñaupashpa richun cachashcallami cani” nishpa ñuca huillashcataca cancunallataj yachanguichijmi.

Hechos 16:17

Chai huambraca Pablotapish, ñucanchijtapish: –¡Cai runacunaca jahua pachapi caj Taita Diospajta rurajcunamari! Paicunaca ima shina quishpirina cashcata cancunaman huillajcunami– nishpami caparishpa caticujlla carca.