Lucas 1:75 - Dios Rimashca Shimicunami

⁷⁵ Cancunapaj tucui causaipi ñuca munaillata rurashpa, ima jucha illajllami causanguichij nishcami.

Mushuj Testamento Diospaj Shimi

⁷⁵ Ñucanchij tucui causaipi Paipaj ñaupajpi cashcata rurashpa, Paipajlla causachunmi chashna rurashca.

Lucas 1:75 Iomraidhean Croise

ISAÍAS 43:21

Cai israelcunataca ñucapajllami rurarcani. Paicunami ñucata alabanataca huillangacuna.

ZACARÍAS 8:19

“Tucuita Mandaj Dios ñucaca, cashnami nini: Judá llajtapi causajcunapajca chuscu quillapi, pichca quillapi, canchis quillapi, chunga quillapi ayunanaca jatun micuita rurashpa cushicuna punllacunami tucunga. Shinallataj jatun fiestata rurashpa micuna punllapishmi tucunga. Shina cajpica cancunaca cashcata ruranatapish, sumajta causanatapish c'uyashpa causaichijlla ninimi” nircami.

Mateo 1:21

Paica shuj churitami huachanga. Paitaca Jesús shutita shutichingui. Paica paipaj cajcunatami juchacunamanta quishpichinga” nircami.

Lucas 1:74

Cancunata p'iñajcunamanta quishpichishami. Quishpichijpica imata mana manchashpami ñucapajta ruranguichij.

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Efesios 2:10

Ñucanchijca Dios rurashcami canchij. Allicunata rurachun Cristo Jesuspi mushujyachishcacunami canchij. Chashna allicunata rurashpa purichunmi, Diosca ñaupaman allichirca.

Efesios 4:24

Mushuj causaita churarichij. Mana llullapi nishca shina, cashcata rurachun, jucha illaj cachun, Diosman rijchaj cachun mushujyachishcami canguichij.

DEUTERONOMIO 6:2

Tucui chaitataj pajtachichun nishcacunata, ñuca mandashcacunata pajtachishpami Mandaj Dios cancunapaj Taita Diosta manchashpa causanguichij. Canpish cambaj huahuacunapish cambaj huahuacunapaj huahuacunapish tucui chaicunata pajtachishpami unita causanguichij ninmi” nircami.

1 Tesalonicenses 4:1

Ashtahuanca huauquicuna, Mandaj Jesuspaj shutipimi cancunataca yuyachishpa animachishun ninchij. Ima shina causashpa Taita Diosta cushichinatami yachachircanchij. Chai shinami causacunguichij. Chashna causashpami ashtahuan ashtahuan yallitaj alli catinguichij.

1 Tesalonicenses 4:7

Taita Diosca ñucanchijtaca, mapallapitaj causachunca mana cayarcachu, ashtahuanpish jucha illaj causachunmi cayarca.

2 Tesalonicenses 2:13

Mandaj Jesús c'uyashca huauquicuna, ñucanchijca cancunamantaca Taita Diostaca pagui nicunallamari canchij. Taita Diospaj Espíritu jucha illajta rurajpi mana llullashpa huillashcata crijpi quishpichingapajmi Taita Diosca manaraj cai pachata rurashpa cancunataca agllarca.

2 Timoteo 1:9

Diosmi ñucanchijta jucha illaj cachun cayashpa quishpichirca. Mana ñucanchij imata rurashcamantachu chashna rurarca. Ashtahuanpish pai munashca shinami mana c'uyaipajta c'uyashpa Cristo Jesushuan shujllata rurashpa chashna rurarca. Chaitaca huiñai, huiñaimantami Diosca chashna rurasha nishca.