Lucas 1:72 - Dios Rimashca Shimicunami

⁷² Ñucanchij ñaupa yayacunata llaquishpa, paica pajtachishatajmi nishcata mana cungarishpami quishpichishca.

Mushuj Testamento Diospaj Shimi

⁷² Pai jucha illaj Diosca, ñucanchij yayacunahuan ari ninacushcata yuyarishpami, paicunata llaquishcata ricuchishca.

Lucas 1:72 Iomraidhean Croise

GÉNESIS 12:3

Canta c'uyajcunataca c'uyashami. Canta p'iñajcunataca p'iñashami. Cai pachapi tucui causajcunaca canmantami alli nishca cangacuna” nircami.

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

GÉNESIS 26:4

Cambaj huahua huahuacunataca jahua pacha luzerocunata shina yallitaj achcata mirachishpami, tucui chai llajtacunataca cambaj huahua huahuacunaman cusha. Cambaj huahua huahuacunamantami tucui llajtacuna alli nishca canga.

GÉNESIS 28:14

Cambaj huahua huahuacunaca, ñutu allpa shinami canga. Inti llujshin ladomantaca, inti huashicun ladocama, janaj ladomantaca, ura ladocamami mirarishpa causangacuna. Canmanta, cambaj huahua huahuacunamantami tucui cai pachapi causajcunaca alli nishca cangacuna.

1 CRÓNICAS 16:16

Abrahammanmari chashnatajmi rurasha nirca. Isaacmanpish rurashatajmi nishpami huillarca.

SALMOS 105:42

Paipajta ruraj Abrahamman, paipaj jucha illaj shimihuan cushani nishcatami yuyarirca.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

SALMOS 111:5

Paita manchajcunamanca micunata cujmi. Pai imata ari nishcataca manataj cungaringachu.

SALMOS 98:3

Israelcunapajca llaquij cashcatapish, mana llulla cashcatapishmi yuyarirca. Tucui cai pachapi causajcunamari ñucanchij Taita Dios quishpichinataca ricushcacuna.

EZEQUIEL 16:60

Ashtahuanpish can solteraraj cajpi ari ninacushcataca yuyaricushallami. Canhuanca huiñaipajmi ari ninacurcanchij.

EZEQUIEL 16:8

Cutinllataj cambaj c'uchuta pasashpami, ña casaranalla soltera tucushcata ricurcani. Chaimantaca can lluchullataj cajta ricushpami, ñuca churanahuan c'atachircani. Chashnami canhuanca ari ninacurcani. Chaimantamari ñucapajlla tucurcangui. Mandaj Jatun Diostajmi chashna nini.

LEVÍTICO 26:42

Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

Romanos 11:28

Cancunapaj allipajmi israelcunaca alli huillaita mana crishpa, Dios p'iñashcacuna tucushca. Ashtahuanpish paicunapaj yayacunata agllashcamantaca, Dios c'uyashcacunallatajmi.

Romanos 9:4

Paicunaca israelcunami. Paicunataca Diosca quiquin huahuacunatami rurarca. Paicunapurapimi sumaj cashcahuan ricurirca, paicunahuanmi ari ninacurca. Paicunamanmi Mandashcatapish curca, paillata adoranatapish yachachirca, cusha nishcapish paicunapajmi.