Lucas 1:69 - Dios Rimashca Shimicunami

⁶⁹ Paipajta ruraj Davidpaj huasi ucupuramantami, tucuita rurai tucuj Quishpichijta cushca.

Mushuj Testamento Diospaj Shimi

⁶⁹ Paita servij Davidpaj familiapuramantami, Tucuita Rurai Tucuj Quishpichijta ñucanchijpajman cachashca.

Lucas 1:69 Iomraidhean Croise

2 SAMUEL 22:3

Ñuca Taita Dioslla, ñuca pacatucunalla, paipimi shunguta churani. Paica ñuca escudomi. Tucuita rurai tucujhuan ñucata quishpichijmi. Tucuimanta yalli jahuaman ñuca miticunami. Ñuca quishpichijmi cangui. Llaquihuan cajpica canmi ñucata quishpichircangui.

2 SAMUEL 7:26

Cambaj shutitaca huiñaita jatunyachicuchunlla. Paicunaca: “Tucuita Mandaj Diosca israelcunapaj Diosmi” nichun. Cambajta ruraj Davidpaj huahua huahuacunaca cambaj ñaupajpica cambajlla sinchicuna cachun.

1 REYES 11:13

Mana tucui mandanatachu quichusha. Ñucapajta ruraj Davidta c'uyashcamanta ñuca agllashca Jerusalén pueblota c'uyashcamantaca shuj ailluta cambaj churi mandachun cushami” nircami.

SALMOS 18:2

Mandaj Dioslla, ñuca jatun rumilla. Ñuca miticuna sinchi huasilla, ñucata quishpichijlla. Ñuca Dioslla, ñucaman fuerzata cujlla, paillapimi shunguta churani. Ñuca paca tucuna escudolla, ñucata quishpichij, ñuca fuerzalla. Jahuajman ñuca paca tucunalla.

SALMOS 89:17

Quiquinmi paicuna fuerzayuj canapish jatun canapish cangui. Quiquin munashcamantami ñucanchijmanca poderyuj canata cungui.

SALMOS 89:3

Ñuca agllashcahuanmi ari ninacurcani. Ñucapajta ruraj Davidmanmi caita rurashatajmi nishpa cashna nircani:

JEREMÍAS 30:9

Ashtahuanpish chai punllaca, ñuca paicunata Mandaj Diostapish, paicunata mandachun ñuca churashca jatun mandaj Davidtapishmi servingacuna” ninmi.

EZEQUIEL 29:21

Chai punllamantami israelcunamanca, mandanataca cutin callarichisha. Ezequiel, canmi paicunamanca imatapish huillangui. Chaita ricushpami ñucataca, Mandaj Diostaj cashcata yachangacuna” nircami.

AMÓS 9:11

Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha.

Mateo 1:1

Jesucristoca Davidpaj, Abrahampaj huahua huahuapuramantami. Paipaj ñaupa yayacunapaj shuticunaca caicunami:

Marcos 11:10

¡Ñaupa yaya Davidpaj mandanapi mandangapajmari shamucun! ¡Hosanna cantaca jahua pachapipish alli nishca cachun!– nircacunami.

Apocalipsis 22:16

“Ñucaca Jesusmi cani. Tandanacushca tucui crijcunaman caicunata huillachunmi, ñuca angelta cacharcani. Ñucaca Davidpaj sapimi cani. Paipaj huahuacunapajpish huahuami cani. Ñucaca pacarinapaj llujshij achijlla luzeromi cani”.

1 SAMUEL 2:1

Ana mañashpaca cashnami nirca: “Ñuca shunguca Mandaj Diospimi cushicun. Mandaj Diosmi ñucamanca fuerzata cun. Ñucata p'iñajcunatapish upallachinimi. Ñucaca can quishpichishcamantami cushicuni.

1 SAMUEL 2:10

Mandaj Diosta p'iñajcunataca, paipaj ñaupajllapitajmi ñutunga. Paicunapaj jahuapimi, jahua pachamanta c'ulun nichinga. Tucui cai pachapi causajcuna imalla rurashcatapish Mandaj Diosmi paicunaman ricuchinga. Jatun Mandajmanca tucuita rurai tucunatami cunga. Pai churashca tucuita rurai tucujtaca jatunyachingami” nircami.