Lucas 1:67 - Dios Rimashca Shimicunami

⁶⁷ Juanpaj yaya Zacariasca, jucha illaj Espíritu rimachijpimi, ima shina tucunata cashna nishpa huillarca:

Mushuj Testamento Diospaj Shimi

⁶⁷ Juanpaj yaya Zacariasca, jucha illaj Espirituhuan junda cashpami, imalla tucunata cashna huillarca:

Lucas 1:67 Iomraidhean Croise

2 SAMUEL 23:2

Mandaj Diospaj Espiritumi ñucataca rimachin. Paipaj shimica ñuca c'allupimi.

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

NÚMEROS 11:25

Chaipimi Mandaj Diosca, p'uyupi uriyamushpa Moiseshuan rimarca. Mandaj Diosca Moisespi caj Espirituta japishpami, canchis chunga cunaj yuyajcunapi churarca. Chai Espirituta paicunapaj jahuapi churajpica, Dios huillachishcatami huillarcacuna. Cai shina ruranataca cutinca mana rurarcachu.

Lucas 1:15

Paica Dios alli nishcami canga. Vinotapish, sidratapish mana ubyangachu. Mamapaj huijsamanta pachami jucha illaj Espirituhuan junda canga.

Lucas 1:41

Elisabetpaj huijsapi caj huahuaca jaitarircallami. Chaipimi jucha illaj Espirituca Elisabetta japijpi,

Hechos 2:4

Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

Hechos 2:8

¿Ima shinataj ñucanchij huacharimanta pacha rimashca rimaipi rimacujta uyanchijchu imamí?

Hechos 9:17

Ananiasca Saulo shuyacun huasiman rishpa yaicushpa Saulopaj jahuapi maquita churashpaca: –Huauqui Saulo, can caiman shamucujpi ricurij Mandaj Jesusmi can cutin ricuchun, Taita Diospaj Espirituta chasquichunpish ñucataca cacharca– nircami.

2 Pedro 1:21

Profetacunaca paicunapaj yuyaillamantaca manataj huillashcacunachu. Ashtahuanpish Diospajlla caj runacunami, Diospaj jucha illaj Espíritu huillachijpi huillashcacuna.