Lucas 1:6 - Dios Rimashca Shimicunami

⁶ Paicunaca ishquindijtajmi Taita Diospaj ñaupajpica, cashcata rurajcuna carca. Jatun Dios tucui mandashcacunata, rurai nishcacunataca chaitataj rurashpa pi mana juchachipajcunami carca.

Mushuj Testamento Diospaj Shimi

⁶ Paicunaca ishquindijtajmi, Mandaj Diospaj ñaupajpica cashcata rurashpa causarcacuna. Dios imalla Mandashcatapish, tucuitami alli caźushpa causarcacuna.

Lucas 1:6 Iomraidhean Croise

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

GÉNESIS 7:1

Mandaj Diosca Noetaca cashnami nirca: “Cai punllacunapi causajcunapurapica, canllatami ñuca ñaupajpi cashcata ruraj cashcata ricuni. Chaimanta canpish, cambaj tucui familiacunapish jatun huambuj huasiman yaicuichij.

1 REYES 15:5

Davidca Mandaj Diospaj ñaupajpi paipaj ñanmanta mana anchurishpa pai mandashcacunata tucuita pajtachishpami, paipaj tucui causaipi maiman mana anchurishpa causarca. Davidca heteo Urías runata huañuchishpallami Taita Diostaca p'iñachirca.

1 REYES 9:4

Canca cambaj yaya David shinallataj tucui shunguhuan ñucapajlla tucushpa, imatapish cashcata rurashpa, tucui ñuca imalla rurangui nishcacunata rurashpa, chaitataj pajtachichun nishpa ñuca mandashcata pajtachishpa, pajtachinguitaj nishca shinataj rurashpa ñuca ñaupajpi purijpica,

2 REYES 20:3

“Mandaj Dioslla, cantami rogani. Cambaj ñaupajpica mana nij tucushpalla tucui shunguhuan can munashcata rurashpa, cambaj ñaupajpi purishcata yuyarichunmi rogani” nishpami Ezequiasca yallitaj huacashpa mañarca.

2 CRÓNICAS 17:4

Paipaj Diosta catishpami, mana caishuj israelcuna shina causarca. Ashtahuanpish Dios mandashcacunatami cazuj carca.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 1:8

Chashna nijpimi Mandaj Diosca, Satanastaca: –Allpa pachapica ñucata servij Job shinaca pi shujtaj mana tiyanchu. Paica ima pandata mana ruraj, allita ruraj, ñucatapish manchaj, millaita ruranatapish p'iñajmi– nircami.

JOB 9:2

Ñucaca chashna cana cashcataca yachanillatajmi. ¿Ima shinataj runaca Taita Diospaj ñaupajpica, alli ricuringari?

SALMOS 119:6

Quiquin imalla mandashcaca tucui quiquin mandashcataj cashcata entendishpaca ñucaca mana pingachishca cashachu.

Lucas 1:7

Elisabet mana huachaj cashcamantami paicunaca huahua illajcuna carca. Ishquindijtaj ña yuyajcunapishmi carca.

Lucas 16:15

Chaimi Jesusca: “Cancunaca runacunapaj ñaupajllapimi, cancunallataj alli ricurishun nijcuna canguichij. Ashtahuanpish Taita Diosca, cancunapaj shungutaca yachanmi. Runacunalla alli nishcacunataca, Taita Diosca mana ricunachinchu” nircami.

Lucas 2:25

Chai punllacunaca Jerusalenpica, Simeón shuti runami tiyarca. Paica cashcata ruraj, Diosta manchaj, israelcunata Dios quishpichinata shuyacujmi carca. Jucha illaj Espiritupish paipaj jahuapimi carca.

Hechos 2:25

Davidpish Jesusmantaca cashnami nin: “Jatun Diostaca ñuca c'uchupimi punllanta ricurcani. Ñuca alli ladopi cajpimi, ñucaca imata mana manchani. Ñucata ama pi manchachichunca paica ñuca alli ladopimi.

Hechos 23:1

Chaipimi Pabloca, mandajcunapuralla tandanacushcata ricushpaca: –Huauquicuna, ñucaca cunan punllacamaca Taita Diospaj ñaupajpica alli yuyaihuan, alli shunguhuanmi causacuni– nijpimi,

Hechos 24:16

Chaimantami Taita Diospaj ñaupajpi, runacunapaj ñaupajpipish pi mana juchachipaj caiman yuyacuni.

Hechos 8:21

Canca Taita Diospaj ñaupajpica mana alli shungumi cangui. Chaimanta canca cai ruranapica imata mana charinguichu.

Romanos 8:4

Ñucanchijca cashcata ruraichij nij Mandashca nishca shina pajtachijcuna cachunmi chashnaca chingachirca. Chaimantami ñucanchijca, ña mana aicha munaita rurashpa, ashtahuanpish Espiritupaj munaita ruracunchij.

1 Corintios 11:2

Huauquicuna, cancunaca tucui imapipish ñucata yuyaricushcamanta, ñuca yachachishcacunatapish chariracushcamantami cancunataca alli nini.

2 Corintios 1:12

Ñucanchijca cai pachapi Dios cushca mapa illaj, mana nij tucushcalla causaita cancunahuan causashcamantami cushicunchij: Chaica mana runacunapaj yachaimantachu, ashtahuanpish Diospaj mana c'uyaipajta c'uyaihuanmi chashna causarcanchij. Chaitaca ñucanchij ucu yuyaipimi huillacun.

DEUTERONOMIO 5:33

Mandaj Dios cancunapaj Taita Dios mandashca ñanllapi puringuichij. Chashna rurashpami cancuna japina cashca llajtata japishpa chai llajtapica unita causanguichij, tucui imapipish ñaupajman ringuichij.

Filipenses 2:15

Mana alli shungu, millai runacunapaj chaupipica, Diospaj huahuacuna mapa illaj, pi mana juchachipaj alli shungu caichij. Paicunapaj chaupipica cai pachapi achijyachijcuna shina achijyachichij.

Colosenses 1:22

Diosca, Cristo paipaj aichayuj cuerpopi, jatun llaquita apashpa huañushcamanta, pi mana juchachipaj, mapa illajta, jucha illajcunata paipaj ñaupajpi ricuchingapajmi chashna rurarca.

1 Tesalonicenses 3:13

Ñucanchijta Mandaj Jesucristo paipaj tucui jucha illajcunandij shamuipica, ñucanchij Dios Yayapaj ñaupajpi mana juchachipaj, jucha illaj canapi cancunapaj shunguta paillataj sinchiyachichunmi mañacunchij.

2 Pedro 3:14

Chaimanta c'uyashcacuna, chashna canata shuyacushpaca, ima mapa illaj, pi mana juchachipaj, alli sumajta causacujta Dios japichun tucui imatapish allita rurana yuyailla ruraichij.

1 Juan 2:29

Cristoca Dios munashcata ruraj cashcataca yachanguichijmi. Chaimanta maijanpish Dios munashcata ruraj cajpica, Diosmanta huacharishca cashcata yachaichij.

1 Juan 2:3

Pai mandashcacunata cazushpami, paita rijsishpa causacushcata yachanchij.

1 Juan 3:7

Huahuacuna, cancunataca pi ama umachun. Maijanpish cashcata rurajca, Cristo cashcata ruraj shinallataj cashcata rurajmi.