Lucas 1:54 - Dios Rimashca Shimicunami

⁵⁴ Diosca pai llaquij cashcata mana cungarishpami, paipajta ruraj israelcunamanca allicunata cushca.

Mushuj Testamento Diospaj Shimi

⁵⁴ Paita servij israelcunataca ayudantajmari, Pai llaquij cashcata yuyarintajmari.

Lucas 1:54 Iomraidhean Croise

SALMOS 46:5

Taita Diosca chai pueblo chaupipimi. Pi mana cuyuchingachu. Taita Diosmi utca ayudanga.

SALMOS 98:3

Israelcunapajca llaquij cashcatapish, mana llulla cashcatapishmi yuyarirca. Tucui cai pachapi causajcunamari ñucanchij Taita Dios quishpichinataca ricushcacuna.

ISAÍAS 44:21

Jacob caicunata yuyariyari, Israel ñucapajta rurajmari cangui. Ñucamari cantaca callarichircani, canca ñucapajta rurajmari cangui. Israel, ñucata ama cungarichu.

JEREMÍAS 31:20

Efrainca mana ñuca c'uyashca huahua cajpichu, mana ñuca cushicuna huahua cajpichu mana llaquishari. Paimanta rimashpaca, paitaca punllanta yuyaricunillami. Ñuca paita yuyarishpaca, shungumantami llaquirini. Paitaca llaquishatajmi.

JEREMÍAS 31:3

Mandaj Diosca achca huatacuna sirijpirajmi, ñucaman ricurishpa cashna nirca: “Ñucaca can israelcunataca huiñaita mana tucurij c'uyaihuanmi c'uyani. Chaimanta cancunataca llaquicunillami.

MIQUEAS 7:20

Mandaj Dioslla, ñucanchij ñaupa yaya Abrahammanpish, yaya Jacobmanpish c'uyashcamanta allicunata rurashami nishcataca amataj cungarishpa pajtachipangui.

Lucas 1:53

Yaricaihuan cajcunamanca, charinacunatami yallijta cushca. Charijcunataca chushajllatami cachashca.

Lucas 1:55

Chaitaca ñucanchij ñaupa yaya Abrahamman, paipaj huahua huahuacunamanpish huiñaipaj cusha nishca shinallatajmi rurashca” nircami.