Lucas 1:51 - Dios Rimashca Shimicunami

⁵¹ Paipaj maquihuanmi, pi mana ruraipajta rurashca. Paicunapaj shungupi jatun tucushcacunataca caita chaitami cachashca.

Mushuj Testamento Diospaj Shimi

⁵¹ Paipaj maquihuanca, jatun mancharinacunatami rurashca. Shungupi jatun tucushcacunataca chingachishcamari.

Lucas 1:51 Iomraidhean Croise

GÉNESIS 11:8

Chashnami Mandaj Diosca, paicunataca chai pambamantaca tucui cai pachata caita chaita cacharca. Chaimi paicunaca jatun pueblota shayachinataca saquircacuna.

GÉNESIS 6:5

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

SALMOS 118:15

Cashcata rurajcunapaj carpa huasicunapica jatunta cushicushpa cantana, quishpirishcamanta cantanami tiyan. Mandaj Diospaj alli maquica, pi mana rurai tucuipajta rurajmi.

SALMOS 33:10

Diosta mana rijsij llajtacuna yuyarinacushcataca Mandaj Diosca chingachinmi. Llajtacunapi causajcuna millaita ruranata yuyarinacucujtaca muspachinmi.

SALMOS 52:9

Quiquin chashna rurashcamantaca, huiñaitamari alabacushalla. Quiquinpaj shutillapimi shunguta churasha. Quiquin agllashcacunapaj ñaupajpi alli cashcamantaca quiquinpaj shutillatamari shuyasha.

SALMOS 63:5

Ñuca shimica quiquintaca caparishpami alabanga. Chaihuanca ñutcuta, huira aichata micushca shinami ñuca almaca cushicunga.

SALMOS 89:10

Quiquinmi Rahabtapish chugrichishca huañunalla siricujta shinalla huañuchircangui. Quiquinta p'iñajcunataca tucuita rurai tucuj quiquinpaj rigrahuanmi caita chaita cacharcangui.

SALMOS 89:13

Tucuita rurai tucuj rigraca quiquinpajmari. Quiquinpaj maquica tucui rurai tucujmari. Quiquinpaj alli lado maquica tucuicuna jatunyachishcamari.

SALMOS 98:1

Mandaj Diostaca, mushuj cantota cantaichigari. Jatun mancharinacunata rurashcamanta cantaichigari. Paipaj alli maquihuanmari quishpichishca. Paipaj jucha illaj rigrahuanmari mishachishca.

ÉXODO 18:11

Paicuna imahuanmi jatun tucushpa llaquichicurca chaillahuantajmi paicunatapish llaquichishpa israelcunata cacharichirca. Cunantajca Mandaj Diosca tucui dioscunamanta yalli tucuita rurai tucuj, jatun cashcatami yachani– nircami.

ISAÍAS 40:10

Riqui, Mandaj Jatun Diosca tucuita rurai tucuj cashcahuanmi shamunga. Paipaj maquihuanmi tucuita mandanga. Imallata rurashca shinallataj cuna cashcataca paimari apamunga. Cuna cashcaca paipaj ñaupajpimari shamunga.

ISAÍAS 51:9

¡Rijchariyari, rijchariyari. Mandaj Diospaj rigra tucuita rurai tucuj canahuan churariyari! ¡Achca huatacuna ñaupaman shinallataj rijchariyari! Rahabta mirga mirgata rurajca quiquintajmari cangui. Dragonta chugrichijpish quiquintajmari cangui.

ISAÍAS 52:10

Mandaj Diosca tucui llajtacunapaj ñaupajpimi paipaj jucha illaj rigra camizata huichiman pillushca. Ñucanchij Taita Dios quishpichishcataca tucui cai pachapi tiyaj llajtacunapi causajcunami ricungacuna.

ISAÍAS 63:12

¿Paipaj tucuita rurai tucuj rigrahuan Moisespaj alli maquihuan pushachijca maitagari? ¿Paicunapaj ñaupajpi jatun cucha yacuta chaupishpa paica huiñaipaj cashcata ricuchij Diosca maipitagari?

JEREMÍAS 49:15

Cancunataca uchilla llajtacunapi causajcunatapish yalli ashalla runacunatami ruragrini. Tucui runacuna p'iñashcatami ruragrini.

DANIEL 4:37

Chaimi cunanca Nabucodonosor ñucaca jahua pacha Jatun Mandajta alabani. Jatunyachini. Sumajyachini. Pai rurashcacunaca ima mana pandachu, cashcatataj rurashpa yachachijmi. Jatun tucushcacunataca cumurichijmi.

Romanos 1:21

Taita Diosta chashna rijsishpapish, Taita Diosta jatunyachina shinatajca mana jatunyachircacunachu, mana pagui nircacunallapishchu. Chaipaj randica, paicunapaj yuyaicunapipish yangallatami yuyarircacuna. Chaimantami paicunapaj rumi shungucunapish amsayachishca carca.

2 Corintios 10:5

Chashnami Diosmanta ama yachachun nishpa jatun tucushpa jarcaj yuyaicunataca chingachinchij. Cristota cazungapajmi ñucanchij tucui yuyaicunataca paiman curinchij.

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.

1 Pedro 5:5

Shinallataj q'uipa huiñaicunapish ancianocunata cazuichij. Tucuicuna caishujmanta chaishujmanta cazunacuichij. Mana jatun tucushca cana yuyaita churarichij. “Jatun tucushcacunataca, Diosca mana ricunachinchu. Mana jatun tucushcacunamanca paipaj mana c'uyaipajta c'uyaj canatami cun”.

Apocalipsis 18:8

Chashna niricujpipish shuj punllallapimi paitaca huañuipish, huacaipish, yaricaipish chashna jatun llaquicunaca japinga. Tucuita Rurai Tucuj Mandaj Taita Diosca, pai ima shinalla rurashcata ricuchishpami ninapi rupachinga.